Kaunti ya Meru

Kuhusu makao makuu, tazama Meru

Kaunti ya Meru
Kaunti
Kuro katika Mbuga ya Kitaifa ya Meru
Bendera Nembo ya Serikali
Meru County in Kenya.svg Kaunti ya Meru katika Kenya
Nchi	Kenya
Namba	12
Ilianzishwa	Tarehe 4 Machi, 2013
Ilitanguliwa na	Mkoa wa Mashariki
Makao Makuu	Meru
Miji mingine	Maua, Nkubu
Gavana	Kiraitu Murungi, EGH
Naibu wa Gavana	Titus Ntuchiu Mutea
Seneta	Mithika Linturi
Mbunge Mwanamke(Bunge la Taifa)	Kawira Mwangaza
Bunge la Kaunti	Bunge la Kaunti ya Meru
Wawakilishi wa Bunge la Kaunti waliochaguliwa	45
Mahakama	Mahakama ya Rufaa, Meru
Maeneo bunge/Kaunti ndogo	9
Eneo	6,930.1 km2 (2,675.7 sq mi)
Idadi ya watu	1,356,301
Kanda muda	Saa za Afrika Mashariki (UTC+3)
Tovuti	meru.go.ke

Kaunti ya Meru ni mojawapo ya kaunti za Kenya zilizopo baada ya katiba mpya ya Jamhuri ya Kenya kupatikana mwaka 2010.

Jina lake limetokana na Wameru ambao ndio jamii kubwa zaidi katika kaunti hii.

Sehemu kubwa ya Meru ina ardhi ya rutuba na mvua ya kutosha. Ni kaunti inayojulikana kwa ukuzaji wa miraa, kama zao la biashara. Hata hivyo, ukulima wa ndizi, mahindi, majani ya chai na maharagwe hufanywa.

Makao makuu yako Meru.

Jiografia

Kaunti ya Meru inapakana na Kaunti za Nyeri, Laikipia, Tharaka Nithi, Isiolo na Kitui. Iko katika upande wa mashariki mwa Mlima Kenya. Sehemu ya Mbuga ya Kitaifa ya Mlima Kenya iko katika Meru. Mvua yenye kufaa pamoja na udongo wa volkano huwezesha ukulima. Sehemu za Imenti zilizo karibu na Mlima Kenya huwa ni baridi kidogo na zenye vilima. Sehemu za Tigania hazina hali zenye kufaa ukulima isipokuwa karibu na Vilima vya Nyambene, ambapo huwa baridi kidogo. Mbuga ya Kitaifa ya Meru iko katika sehemu za Igembe, kaskazini mashariki mwa kaunti.

Mito, k.v. Mto Kathita hutoka Mlima Kenya na Vilima vya Nyambene hutiririsha maji yake ndani ya Mto Tana.

Utawala

Kaunti ya Meru imegawanywa katika maeneo yafuatayo:

Eneo bunge	Wadi
Igembe Kusini	Maua, Kegoi/Antubochiu, Athiru, Gaiti, Akachiu, Kanuni
Igembe Kati	Akirang’ondu, Athiru, Ruujine, Igembe East Njia, Kangeta
Igembe Kaskazini	Antuambui, Ntunene, Antubetwe Kiongo, Naathui, Amwathi
Tigania Magharibi	Athwana, Akithi, Kianjai, Nkomo, Mbeu
Tigania Mashariki	Thangatha, Mikinduri, Kiguchwa, Mithara, Karama
Imenti Kaskazini	Municipality, ntima East, Ntima West, Nyaki West, Nyaki East
Buuri	Timau, Kisima, Kiirua/Naari, Ruiri/Rwarera
Imenti ya Kati	Mwanganthia, Abothuguchi Central, Abothuguchi West, Kiagu, Kibirichia
Imenti Kusini	Mitunguu, Igoji East, Igoji West, Abogeta East, Abogeta West, Nkuene

Meru ni sehemu ya kati ya uliokuwa Mkoa wa Mashariki nchini Kenya upende wa mashariki-kaskazini wa mlima Kenya.

Eneo la Meru lilijumlishwa hadi 1992 katika wilaya ya Meru iliyogawiwa baadaye kuwa wilaya zifuatazo:

• Meru Kati (majimbo ya uchaguzi wa South Imenti, Central Imenti, North Imenti)
• Meru Kaskazini iliyogawiwa tena kuwa wilaya za
  • Tigania
  • Nyambene (majimbo ya uchaguzi Tigania East, Igembe, Tigania West na Ntonyiri)
• Meru Kusini (jimbo la uchaguzi laitwa Nithi)
• Tharaka

Tazama pia

• Orodha ya mito ya kaunti ya Meru