Umoja wa Afrika

Kutoka Wikipedia, kamusi elezo huru
Rukia: urambazaji, tafuta
Bendera ya Umoja wa Afrika
Ramani ya Umoja wa Afrika. Nchi zote za Afrika ni wanachama isipokuwa Moroko.

Umoja wa Afrika (UA) (kwa Kiingereza: African Union (AU); Kifaransa: Union Africaine (UA); Kihispania: Unión Africana (UA) ; Kireno: União Africana (UA) ) [1] ni muungano wa nchi 54 za Afrika ulioanzishwa mnamo Julai 2002.

Umoja huu unaendeleza kazi za Umoja wa Muungano wa Afrika (kwa Kiingereza: Organisation of African Union - OAU) uliokuwepo 1963 hadi 2002.

Nia ya umoja huu ni kujenga muundo na mfumo wa kisiasa, wa kiuchumi, na wa kijamii ili kufikia wakati ambapo bara la Afrika litakuwa na bunge moja, benki moja, jeshi moja, rais mmoja, sarafu moja, n.k.

Dhumuni kubwa la umoja huu ni kuunganisha nguvu za mataifa ya Afrika ili kuweza kutatua matatizo yanayokabili bara hili kama vile vita, njaa, Ukimwi, n.k.

Nchi wanachama[hariri | hariri chanzo]

Umoja wa Afrika ina nchi wanachama 53. Ndizo nchi karibu zote za bara la Afrika isipokuwa Moroko iliyoondoka mwaka 1985 kwa sababu UA ilitambua Sahara ya Magharibi kuwa nchi ya kujitegema wakati Moroko inadai ya kwamba ni eneo la majimbo yake ya kusini. [2]Hata hivyo mwaka 2016 Moroko ilionyesha nia ya kujiunga tena na UA.[3]

Mkutano wa kwanza wa Bunge la Umoja wa Afrika ulifanyika mwaka 2004 huko Afrika Kusini.

Mikutano mikuu ya UA[hariri | hariri chanzo]

  1. Durban (Afrika Kusini): 9-11 Jul. 2002.
  2. Maputo (Msumbiji): 10-11 Jul. 2003.
  3. Sirte (Libya), mkutano wa dharura: Feb. 2004.
  4. Addis Ababa (Ethiopia): 6-8 Jul. 2004.
  5. Abuja (Nigeria): 24-31 Jan. 2005.
  6. Sirte (Libya): 28 Jun. - 5 Jul. 2005.
  7. Khartoum (Sudan): 16-24 Jan. 2006.

Viongozi[hariri | hariri chanzo]

Mwenyekiti wa Kamati Kuu ya UA ni N. Dlamini-Zuma.

Spika wa Bunge la Umoja wa Afrika ni Roger Nkodo Dang.

Tanbihi[hariri | hariri chanzo]

  1. Official Languages AU "Art. 11 AU" Protocol on amendments to the constitutive act of the African Union
  2. [1]
  3. "Morocco seeks to rejoin African Union after 32 years". BBC News. 18 July 2016. Retrieved 18 July 2016.

Viungo vya nje[hariri | hariri chanzo]