Bahari ya Hindi

Kutoka Wikipedia, kamusi elezo huru
Rukia: urambazaji, tafuta
Bahari ya Hindi.png
Bahari Hindi na bahari za pembeni upande wa kaskazini-magharibi

Bahari ya Hindi ni bahari ya tatu kwa ukubwa duniani ikiwa imechukua asilimia 20 ya uso wa dunia.

Upande wa kaskazini imepakana na Asia ya Kusini; magharibi imepakana na Ghuba ya Uajemi, Bahari ya Shamu na Afrika; mashariki imepakana na Ghuba ya Malay, visiwa vya Sunda (Indonesia), na Australia; na upande wa kusini imepakana na Bahari ya Kusini.

Bahari hii ni njia muhimu ya usafiri na usafirishaji kwa meli kati ya Asia na Afrika.

Jiografia[hariri | hariri chanzo]

Mipaka[hariri | hariri chanzo]

Mipaka ya Bahari Hindi imeelezwa na Shirika la Kimataifa la Hidrografia kama ifuatayo:

  • upande wa magharibi (Atlantiki) ni mstari unaoelekea kusini kutoka Rasi Agulhas (Afrika Kusini) kwenye longitudo ya 20° mashariki
  • upande wa mashariki ni stari unaoelekea kusini kutoka sehemu ya kusini zaidi cha Tasmania (Australia) kwenye longitudi ya 146°55'E
  • kati ya Australia na Asia ni mstari wa visiwa vya Indonesia
  • upande wa kaskazini ni pwani za Asia na Afrika
  • upande wa kusini imeamuliwa kutumia latitudo ya 60°S kama mpaka wa Bahari Hidi na Bahari ya Kusini

Kwa hiyo eneo lote la uso wa bahari hii ni kilomita za mraba 70,560,000 km²; kina cha wastani ni mita 3,741 ilhali kina kikubwa kinafikia mita 7,906. Mjao wake ni kilomita za ujazo 264,000,000 km³ inayolingana na asilimia 19.8% ya mjao wa bahari zote duniani.

Jiolojia[hariri | hariri chanzo]

Chini ya Bahari Hindi kuna mabamba ya gandunia mbalimbali yanayopakana hapa:

Bamba la Antaktiki, Bamba la Afrika, Bamba la Uarabuni, Bamba la Uhindi na Bamba la Australia.

Kama kawaida, pale ambako mabamba yanaachana kuna nafasi inayoruhusu kupanda juu kwa joto na magma kutoka kiini cha dunia na kutokea kwa volkeno pamoja na safu za milima chini ya maji.

Tetemeko la ardhi na tsunami ya 2004 ilisababishwa na mwendo wa ghafla la bamba la Australia juu ya bamba la Uhindi.

Bahari za pembeni[hariri | hariri chanzo]

Bahari za pembeni, ghuba na hori za Bahari Hindi ni pamoja na:

Tabianchi[hariri | hariri chanzo]

Kwa jumla Bahari Hindi ina halijoto ya juu kulingana na bahari kubwa nyingine za dunia. Tofauti na Atlantiki na Pasifiki haina maeneo makubwa kwenye nusutufe ya kaskazini ya dunia hivyo haipokei baridi kutoka Aktiki.

Upande wa kazkazini wa ikweta kuna monsuni; upepo kutoka kazkazini-mashariki uko kuanzia Oktoba hadi Aprili, kinyume chake upepo kutoka kusini[1] unaendelea kuanzia Mei hadi Oktoba. Badiliko hili linafuata utaratibu wa kila mwaka na lilikuwa msingi kwa usafiri na biashara katika bahari hii maana iliwezekana kutumia upepo kwa jahazi tangu kale.

Wakati wa badiliko la monsuni dhoruba kali zinaweza kutokeas hasa katika Bahari ya Uarabuni na Hori ya Bengali.

Nchi zinazopakana na Bahari Hindi[hariri | hariri chanzo]

Asia[hariri | hariri chanzo]

Israel na Jordani (kupitia Ghuba ya Akaba na Bahari ya Shamu), Ufalme wa Uarabuni wa Saudia, Yemen, Omani, Falme za Kiarabu, Qatar, Kuwait, Iraq, Iran, Pakistan, India, Bangladesh, Myanmar, Uthai, Malaysia, Indonesia na Timor ya Mashariki.

Australia[hariri | hariri chanzo]

Australia

Afrika[hariri | hariri chanzo]

Afrika Kusini, Msumbiji, Tanzania, Kenya, Somalia, Jibuti, Eritrea, Sudani na Misri (kupitia Bahari ya Shamu).

Nchi za visiwani[hariri | hariri chanzo]

Ndani ya Bahari Hindi kuna mataifa huru ambayo ni nchi za visiwani pamoja na Bahrain (Ghuba ya Uajemi), Komori, Madagaska, Maldivi, Morisi, Shelisheli na Sri Lanka.

Indonesia na Timor ya Mashariki ni nchi za visiwani zinazopakana na Bahari Hindi.

Visiwa katika Bahari Hindi[hariri | hariri chanzo]

Agalega, Anjouan, Bahrain, Cargados Carajos, Visiwa vya Cocos (Keeling), Diego Garcia, Kilwa Kisiwani, Kirimba (visiwa), Kisiwa cha Mafia, Komori, Kisiwa cha Krismasi, Lamu (kisiwa), Morisi, Madagaska, Mahore, Mahé, Maskarena, Mayotte, Moheli, Msumbiji (kisiwa), Mwali, Ngazija, Pamanzi, Pate, Pemba (kisiwa), Rodrigues (kisiwa), Réunion, Shelisheli, Sokotra, Unguja, Îles Éparses,

Tanbihi[hariri | hariri chanzo]

  1. "upepo wa kusi" katika lugha ya Waswahili wa pwani

Kujisomea na Vyanzo[hariri | hariri chanzo]

     . https://www.academia.edu/7698002/Beyond_the_String_of_Pearls_Is_there_really_a_Security_Dilemma_in_the_Indian_Ocean. Retrieved July 2015.
     . http://www.soest.hawaii.edu/iprc/publications/pdf/iprc-61.pdf. Retrieved July 2015.
     . http://ftp.earthbyte.org/people/dietmar/Pdf/Muller-etal-hotspots-Geology1993.pdf. Retrieved July 2015.
     . http://onlinelibrary.wiley.com/doi/10.1002/2015GL066979/full. Retrieved January 2016.
  • Stow, D. A. V. (2006). Oceans: an illustrated reference. Chicago: University of Chicago Press. ISBN 0-226-77664-6. 
  • Tuna fisheries and utilization. Food and Agriculture Organization of the United Nations (2016). Iliwekwa mnamo January 2016. |
Sciences de la terre.svg Makala hii kuhusu eneo fulani bado ni mbegu.
Je unajua kitu kuhusu Bahari ya Hindi kama historia yake, biashara, taasisi zilizopo, watu au utamaduni?
Labda unaona habari katika wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.