Visiwa vya Kanari

Comunidad Autonoma de Canarias Jimbo la Kujitawala la Visiwa vya Kanari
Miji Mikuu	Santa Cruz de Tenerife Las Palmas de Gran Canaria
Eneo  - jumla  - % za Hispania	7.447 km² 1,5%
Wakazi  - jumla (2003)  - % za Hispania  - Msongamano wa watu	1.843.755 4,4% 247,58 ab./km²
Uwakilishi bungeni  Nafasi za bunge la wananchi (Congresso)  Nafasi kwenye bunge la majimbo (Senato)	14 2
Rais wa serikali ya Kanari	Adán Martín Menis (CC)
Tovuti rasmi	Gobierno de Canarias

Visiwa vya Kanari na Hispania

Visiwa vya Kanari (Kihispania: Islas Canarias) ni funguvisiwa ya Afrika ya Kaskazini katika bahari ya Atlantiki. Kisiasa ni jimbo la kujitawala la Hispania. Viko baharini 150 km upande wa magharibi ya Moroko. Umbali na Hispania ni masaa mawili kwa ndege.

Utawala

Kisiasa visiwa ni kati ya maeneo ya kujitawala ndani ya ufalme wa Hispania.

Visiwa vikubwa ni saba:

El Hierro, La Gomera, La Palma na Tenerife ambavyo ni mkoa wa Santa Cruz de Tenerife,

halafu Gran Canaria, Fuerteventura na Lanzarote ambavyo ni mkoa wa Las Palmas,

tena visiwa vidogo sita vya Alegranza, Kisiwa cha Lobos, La Graciosa, Montaña Clara, Roque del Este na Roque del Oeste, vyote vya Las Palmas.

Miji mikuu ni Santa Cruz de Tenerife na Las Palmas de Gran Canaria.

Makao ya mkuu wa serikali ya eneo huhamahama kati ya miji hii miwili kila baada ya miaka minne.

Wakazi

Jumla ya wakazi kufuatana na sensa ya mwaka 2005 ni 1,968,280. Mkoa wa Las Palmas una wakazi 1.011.928 katika tarafa 33, mkoa wa Santa Cruz de Tenerife una watu 956.352 katika tarafa 52.

Miji mikubwa ni Las Palmas de Gran Canaria (wakazi 378.628), Santa Cruz de Tenerife (wakazi 221.567), San Cristóbal de la Laguna (wakazi 141.627), Telde (wakazi 96.547) na Arona (79.377).

Ramani ya Visiwa vya Kanari

Idadi ya wakazi wa visiwa ni kama ifuatayo:

• Tenerife - 906.854
• Gran Canaria - 802.247
• Lanzarote - 123.039
• Fuerteventura - 86.642
• La Palma - 85.252
• La Gomera - 21.746
• El Hierro - 10.477

Historia

Visiwa vya Kanari vilitembelewa zamani na wasafiri Wafinisia, Wagiriki na Waroma, baadaye na Waarabu. Katika Ulaya visiwa vilisahauliwa hadi mnamo mwaka 1400.

Viisiwa vilikaliwa na wazalendo walioitwa Guancha na Wahispania walipofika Kanari. Hakuna uhakika kuhusu asili yao. Wataalamu wengine hufikiri walikuwa Waberber. Wengine husema walikuwa wafungwa walioachiwa huru visiwani wakati wa Dola la Roma.

Wakati wa kufika kwa Wahispania kuanzia mwaka 1400 walikuwa na utamaduni bila chuma wanasemekana hawakujua usafiri wa bahari. Katika muda wa karne moja Wahispania walivamia visiwa na kukandamiza utamaduni wa wenyeji. Lugha yao imekwisha kabisa ingawa kuna bado majina ya mahali visiwani kutokana na lugha ya Kiguancha.

Baada ya Wahispania kufika Amerika Las Palmas ilikuwa bandari muhimu ya safari za Atlantiki.

Uchumi

Kutokana na uzuri wa nchi na hali ya hewa ambayo ni poa mwaka wote utalii imekuwa nguzo ya uchumi wa visiwa vya Kanari pamoja na kilimo cha mazao ya sokoni yanoyopelekwa Ulaya, hasa ndizi na tumbaku.

• 
  Teide, Tenerife
• 
  Watalii mwambanoni Fuerteventura