Jamhuri ya Kidemokrasia ya Kongo

Kutoka Wikipedia, kamusi elezo huru
Rukia: urambazaji, tafuta
République Démocratique du Congo
Jamhuri ya Kidemokrasia ya Kongo
Flag of Jamhuri ya Kidemokrasia ya Kongo Nembo ya Jamhuri ya Kidemokrasia ya Kongo
Bendera Nembo
Wito la taifa: Justice - Paix - Travail
(Kifaransa: "Haki - Amani - Kazi")
Wimbo wa taifa: Debout Congolais
Lokeshen ya Jamhuri ya Kidemokrasia ya Kongo
Mji mkuu Kinshasa
4°24′ S 15°24′ E
Mji mkubwa kushinda
 miji mingine yote
Kinshasa
Lugha rasmi Kifaransa (Kingala, Kikongo, Kiswahili, Kiluba ni lugha ya taifa)
Serikali
Rais
Serikali ya mseto
Joseph Kabila
Uhuru
 - Tarehe
Kutoka Ubelgiji
30 Juni 1960
Eneo
 - Jumla
 - Maji (%)
 
2,345,410 km² (12th)
3.3%
Idadi ya watu
 - 2006 kadiriwa
 - 1938 census
 - Msongamano wa watu
 
62,660,551 (20th)
10,217,408
24/km² (182nd)
Fedha Congolese franc (CDF)
Saa za eneo
 - Kiangazi (DST)
CET, EET (UTC+1 na +2)
- (UTC+1 na +2)
Intaneti TLD .cd
Kodi ya simu +243

Jamhuri ya Kidemokrasia ya Kongo (au Kongo-Kinshasa) ni nchi iliyoko Afrika ya Kati; kwa ukubwa wa eneo ni ya pili barani Afrika. Ni tofauti na nchi jirani ya Jamhuri ya Kongo. Kati ya 1971 na 1997 nchi iliitwa "Zaire".

République démocratique du Congo

Jiografia

Nchi imepakana na Jamhuri ya Kongo, Jamhuri ya Afrika ya Kati, Sudan Kusini, Uganda, Rwanda, Burundi, Tanzania, Zambia na Angola. Ina sehemu ndogo iliyopakana na pwani ya Bahari ya Atlantiki. Sehemu hiyo inatenganisha eneo la Cabinda kutoka maeneo mengine ya Jamhuri ya Angola.

Historia

Nchi jinsi ilivyo ilianzishwa kama koloni la Kongo ya Kibelgiji. Jina la Kongo lahusiana na mto Kongo unaopitia nchi yote na pia Ufalme wa Kongo uliopatikana zamani katika sehemu za magharibi za Angola na Kongo ya leo.

Upande wa kusini, kuanzia karne ya 17, kulikuwa na ufalme ulioitwa Dola la Kazembe.

Kati ya 27 Oktoba 1971 na 17 Mei 1997 nchi ilijulikana kwa jina la "Zaire".

  1. Bandundu
  2. Bas-Zaire
  3. Équateur
  4. Kasaï Magharibi
  5. Kasaï Mashariki
  6. Katanga
  7. Kinshasa
  8. Maniema
  9. Kivu Kaskazini
  10. Jimbo la Kaskazini
  11. Kivu Kusini

Lualaba ni mkoa mpya wa Mashariki ya Congo-Zaire

DCongoNumbered.png

Mikoa

Nchi imegawiwa kwa mikoa 11. Katiba mpya ilitarajia ugawaji kwa majimbo mapya 25 lakini kanuni hii haikutekelezwa na wakati wa Januari 2011 raisi alitangaza ya kwamba mipango ya ugawaji mpya imefutwa.


Lugha

Maeneo ya lugha kuu za Kongo

Kifaransa ni lugha rasmi ya Jamhuri ya Kidemokrasia ya Kongo. Ilikuwa lugha ya utawala ya koloni ikaendelea kutumiwa kama lugha isiyoelekea upande wowote kati ya makabila, lugha na tamaduni za nchi hii. Lugha ya Kiholanzi iliyotumiwa na Wabelgiji pamoja na Kifaransa katika utawala haiko tena.

Kwa jumla kuna takriban lugha 242 zinazozungumzwa nchini (angalia orodha ya lugha). Lugha 4 zinatambuliwa kama lugha za kitaifa ambazo ni Kikongo (Kituba), Kingala, Kiluba (Tshiluba) na Kiswahili.

Kingala kilikuwa lugha rasmi ya jeshi la kikoloni liloitwa "Force Publique" chini ya utawala wa Ubelgiji likaendelea kuwa lugha ya jeshi la jamhuri baada ya uhuru.

Tangu mapinduzi ya 1997 sehemu za jeshi hasa katika mashariki hutumia pia Kiswahili.

Wakati wa ukoloni lugha nne za kitaifa ziliwahi kutumiwa kieneo katika shule za msingi.

Takriban watu 24,320,000 wanatumia Kifaransa kama lugha ya kwanza au ya pili.

Dini

Wananchi karibu wote wanajihesabu Wakristo wa madhehebu mbalimbali; asilimia 50 hivi ni Wakatoliki. Baadhi ya wananchi pia ni wafuasi wa dini za asili

Viungo vya nje

Flag-map of the Democratic Republic of the Congo.svg Makala hii kuhusu maeneo ya Jamhuri ya Kidemokrasia ya Kongo bado ni mbegu.
Je unajua kitu kuhusu Jamhuri ya Kidemokrasia ya Kongo kama historia yake, biashara, taasisi zilizopo, watu au utamaduni?
Labda unaona habari katika wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.




Nchi za Afrika Bara la Afrika
Afrika ya Kati (Jamhuri ya) | Afrika Kusini | Algeria | Angola | Benin | Botswana | Burkina Faso | Burundi | Cabo Verde | Chad | Cote d'Ivoire | Eritrea | Gabon | Gambia | Ghana | Guinea | Guinea Bisau | Guinea ya Ikweta | Jibuti | Kamerun | Kenya | Komori | Kongo (Jamhuri ya) | Kongo (Jamhuri ya Kidemokrasia ya) | Lesoto | Liberia | Libya | Madagaska | Malawi | Mali | Misri | Morisi (Visiwa vya) | Mauritania | Moroko | Msumbiji | Namibia | Niger | Nigeria | Rwanda | Sahara ya Magharibi | Sao Tome na Principe | Senegal | Shelisheli | Sierra Leone | Somalia | Sudan | Sudan Kusini | Tanzania | Togo | Tunisia | Uganda | Uhabeshi | Uswazi | Zambia | Zimbabwe
Maeneo ya kiafrika ambayo ni sehemu za nchi nje ya Afrika
Ufaransa: Mayotte · Réunion | Hispania: Visiwa vya Kanari · Ceuta · Melilla | Ureno: Visiwa vya Madeira | Uingereza: · Kisiwa cha St. Helena · Kisiwa cha Diego Garcia