Mkoa wa Kilimanjaro

Mkoa wa Kilimanjaro
Mahali pa Mkoa wa Kilimanjaro katika nchi ya Tanzania
Majiranukta: 3°20′S 37°20′E
Nchi	Tanzania
Wilaya	7
Mji mkuu	Moshi
Serikali
- Mkuu wa Mkoa	Anna Elisha Mghwira
Eneo
- Mkoa	13,209 km²
Idadi ya wakazi (2012)
-	1,640,087
Tovuti: http://www.kilimanjaro.go.tz/

Mkoa wa Kilimanjaro ni kati ya mikoa 31 ya Tanzania wenye postikodi namba 25000.

Mlima Kilimanjaro, mlima mrefu kupita yote barani Afrika, umo ndani ya mkoa wa Kilimanjaro. Jina la mlima huu ndilo limeupatia mkoa jina lake.

Mkoa wa Kilimanjaro umepakana na Kenya upande wa kaskazini, Mkoa wa Tanga upande wa kusini na mikoa ya Manyara na Arusha upande wa magharibi.

Wakazi

Mkoani Kilimanjaro kuna wakazi wapatao 1,640,087 (sensa ya mwaka 2012).

Makabila makubwa mkoani humo ni Wachagga, Wagweno na Wapare, ambapo pia kuna makabila mengine madogomadogo kama Wamasai na Wakamba.

Makao makuu ya mkoa huu ni Moshi.

Katika sekta ya elimu wakazi wameendelea kidogo kwa maeneo ya mjini, lakini katika sehemu za vijijini elimu bado inatetereka kwa kiasi kikubwa, maana teknolojia ya utandawazi katika eneo kubwa haijashamiri.

Wilaya

Mkoa wa Kilimanjaro una wilaya 7 ambazo ni: Hai, Mwanga, Moshi mjini, Moshi vijijini, Rombo na Same na ile mpya ya Siha.

Majimbo ya bunge

Wakati wa uchaguzi mkuu wa Tanzania mwaka 2015 mkoa huu ulikuwa na majimbo ya uchaguzi yafuatayo:

• Hai : mbunge ni Freeman Mbowe (Chadema)
• Siha : mbunge ni Dk. Godwin Mollel (CCM)
• Moshi Mjini : mbunge ni Jaffary Michael (Chadema)
• Mwanga : mbunge ni Prof. Jumanne Maghembe (CCM)
• Same Mashiriki : mbunge ni Nagenjwa Kaboyoka (Chadema)
• Same Magharibi : mbunge ni Mathayo David (CCM)
• Moshi Vijijini : mbunge ni Anthony Calist Komu (Chadema)
• Vunjo : mbunge ni James Mbatia (NCCR)
• Rombo : mbunge ni Joseph Selasini (Chadema)

Tazama pia

• Orodha ya milima ya mkoa wa Kilimanjaro
• Orodha ya mito ya mkoa wa Kilimanjaro

Viungo vya nje

• (Kiingereza) Matokeo ya sensa 2002 ya Tanzania kwa Mkoa wa Kilimanjaro

Makala hii kuhusu maeneo ya Mkoa wa Kilimanjaro bado ni mbegu. Je unajua kitu kuhusu Mkoa wa Kilimanjaro kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. Isipokuwa usitaje majina ya viongozi waliopo sasa maana wanabadilika haraka mno.