Mkoa wa Simiyu

Mahali pa mkoa nchini Tanzania.

Mkoa wa Simiyu ni kati ya mikoa 31 ya Tanzania,wenye postikodi namba 39000 . Ulianzishwa rasmi Machi 2012 kwa kumega mkoa wa Shinyanga upande wa mashariki.

Makao makuu yako Bariadi.

Wakazi

Kadiri ya sensa ya mwaka 2012, wakazi walikuwa 1,584,157, kukiwa na ongezeko la 1.8% kwa mwaka katika miaka 2002-2012.

Msongamano wa watu ni 63 kwa kilometa mraba.

Kabila kubwa ni lile la Wasukuma.

Wilaya

Mkoa huo mpya una wilaya zifuatazo: Bariadi, Busega, Maswa, Meatu, Itilima.

Majimbo ya bunge

Wakati wa uchaguzi mkuu wa Tanzania mwaka 2015 mkoa huu ulikuwa na majimbo ya uchaguzi yafuatayo:

• Bariadi : mbunge ni Andrew Chenge (CCM)
• Busega : mbunge ni Raphael Chegeni (CCM)
• Itilima : mbunge ni Njalu Silanga (CCM)
• Kisesa : mbunge ni Luhaga Mpina (CCM)
• Maswa Mashariki : mbunge ni Stanslaus Nyongo (CCM)
• Maswa Magharibi : mbunge ni Mashimba Ndaki (CCM)
• Meatu : mbunge ni Salum Khamis Salum (CCM)

Tazama pia

• Orodha ya milima ya mkoa wa Simiyu
• Orodha ya mito ya mkoa wa Simiyu

Viungo vya nje

• Serikali ya Tanzania
• Wasukuma