Bendera ya Tanzania

Kutoka Wikipedia, kamusi elezo huru
Jump to navigation Jump to search
Bendera ya Tanzania
Bendera ya Zanzibar mwaka 1964
iliyotangulia kuundwa kwa bendera ya Tanzania
Bendera ya Jamhuri ya Tanganyika 1961 hadi 1964 iliyotangulia kuundwa kwa bendera ya Tanzania

Bendera ya Tanzania ni ya mstatili unaokatwa pembe kwa pembe na kanda nyeusi yenye milia za njano kando[1].

Pembetatu ya juu ina rangi ya majani, pembetatu ya chini ni ya buluu.

Historia ya bendera[hariri | hariri chanzo]

Bendera hii imepatikana tangu 30.06.1964 kutokana na muungano wa Tanganyika na Zanzibar. Bendera ya Tanganyika ilikuwa na rangi ya kijani ikiwa na kanda nyeusi katikati yenye milia za njano kando. Buluu imepatikana kutokana na bendera ya Zanzibar ya 1964 ikimaanisha bahari. Hata hivyo toka mwaka 2005, Serikali ya Mapinduzi ya Zanzibar ilianza kutumia rasmi bendera ya Zanzibar. Hii ni mara ya kwanza toka kuungana kwa Tanganyika na Zanzibar kwa kisiwa cha Zanzibar kuwa na bendera yake yenyewe.

Maana ya rangi[hariri | hariri chanzo]

Rangi zinasemekana kuwa na maana zifuatazo: Kijani kwa ajili ya mashamba, kilimo na misitu. Kijani ni pia rangi ya bendera ya chama cha TANU kilichokuwa chama tawala tangu uhuru. Buluu kwa ajili ya bahari na visiwa. Nyeusi ni rangi ya watu Waafrika. Njano inakumbusha juu ya utajiri wa madini. Njano hii inaelezwa mara nyingi kuwa ni dhahabu, lakini maelezo rasmi kwa Kiingereza yanataja rangi kuwa "Yellow Pantone 116c"[2]

Bendera za kihistoria tangu zamani za ukoloni[hariri | hariri chanzo]

Flag Duration Use Description
Flag of Zanzibar Under British Rule.svg 1856–1963 Bendera ya Usultani wa Zanzibar Kitambaa chekundu
Flag of the German East Africa Company.svg 1888–1890 Bendera ya Kampuni ya Kijerumani kwa Afrika ya Mashariki Nyeupe, msalaba mweusi, nyota za Salibu
Reichskolonialflagge.svg 1893-1919 Bendera ya Mamlaka ya Koloni za Ujerumani Nyeusi-nyeupe – nyekundu kama Dola la Ujerumani, pamoja na ishara ya tai, ilitumiwa katika koloni zote za Ujerumani
Flag of Tanganyika (1919-1961).svg 1919–1961 Ramani ya eneo la kudhaminiwa Tanganyika Bendera nyekundu yenye rangi za Uingereza kwenye kona na ishara ya twiga
Flag of Tanganyika (1961-1964).svg 1961–1964 Bendera ya Tanganyika Kijani yenye kanda nyeusi katikati linaloshikwa na milia ya njano-dhahabu
Flag of the Sultanate of Zanzibar (1963).svg 1963–1964 Bendera ya Usultani wa Zanzibar baada ya uhuru Nyekundu, yenye duara ya kibichi inayoonyesha karafuu mbili za rangi ya njano
Flag of Zanzibar (January-April 1964).svg Januari–Aprili 1964 Bendera ya Jamhuri ya Watu wa Zanzibar hadi maungano Kandaza buluu, nyeusi na kijani.

Marejeo[hariri | hariri chanzo]

  1. National Flag, tovuti rasmi ya serikali ya Tanzania, iliangaliwa Desemba 2018
  2. National Flag, "colour specifications", tovuti rasmi ya serikali ya Tanzania