Hutu (kundinyota)

Kutoka Wikipedia, kamusi elezo huru
Rukia: urambazaji, tafuta
Nyota kuu za Hutu (Pisces)
Mistari imeongezwa kwenye picha tu
Uchoraji wa nyota za Hutu - Pisces kama samaki wa angani

Hutu ni kundinyota ya zodiaki inayojulikana pia kwa jina lake la kimagharibi la Pisces[1]. Ni moja ya kundinyota zinazotambuliwa na Umoja wa kimataifa wa astronomia [2]

Nyota za Hutu huwa haziko pamoja kihalisi lakini zinaonekana tu vile kutoka duniani. Kwa uhalisi kuna umbali mkubwa kati yao, kama ziko mbali au jirani nasi. Kwa hiyo kundinyota "Hutu" inaonyesha eneo la angani jinsi tunavyoiona kutoka Duniani.


Jina[hariri | hariri chanzo]

Jina la Kiswahili ni Hutu na linatokana na Kiarabu الحوت al-hut ambalo linamaanisha "samaki, nyangumi". Jina hili lilipokelewa na Waarabu kutoka kwa Wagiriki wa Kale waliosema Ιχθύες ("Ikhthies") na majina yenye maana hiyohiyo yalitumiwa pia na mataifa mengi ya kale.

Katika mitholojia ya Wagiriki nyota zake zilionyesha mungu wa kike wa mapenzi Aphrodite pamoja na mwanawe Eros waliokimbia dubwana Typhoni kwa kuruka katika mto Frati na kuchukua umbo la samaki. Ili wasipoteane kwenye maji walifunga kamba kati yao, na hapo asili ya jina la Kiarabu la nyota Alfa Piscium "Al-Risha" linalomaanisha "kamba". ihren Sohn Eros dar, die auf der Flucht vor dem Ungeheuer Typhon in den Euphrat sprangen, sich in Fische verwandelten und entkamen.

Katika unajimu wa kisasa katika Afrika ya Mashariki jina "Hutu" limesahauliwa badala yake tafsiri „samaki“ imekuwa jina la kawaida.

Mahali pake[hariri | hariri chanzo]

Hutu iko angani kwenye mstari wa Zodiaki kati ya Dalu (Aquarius) upande wa magharibi na Hamali (Aries) upande wa mashariki.

Magimba ya angani[hariri | hariri chanzo]

.Nyota angavu zaidi ni

  • Kullat Nunu (Eta Piscium) yenye uangavu unaoonekana wa 3.62 mag ikiwa na umbali wa miaka ya nuru 294 kutoka wka dunia.
  • Alrisha (pia Al Rescha) au Alfa Piscium yenye uangavu unaoonekana wa 3.82 mag na umbali wa miaka ya nuru 139

Tanbihi[hariri | hariri chanzo]

  1. Uhusika milikishi (en:genitive) ya neno "Pisces" (ambalo linaonyesha uwingi) katika lugha ya Kilatini ni "Piscium" na hili ni umbo la jina linaloonekana katika majina ya nyota za kundi hili kama vile Alfa Piscium, nk.
  2. The Constellations, tovuti ya International Astronomical Union , iliangaliwa Julai 2017

Marejeo[hariri | hariri chanzo]

  • Richard Hinckley Allen: Star-Names and their Meanings; kwa G. E. Stechert New York, Leipzig, London, Paris 1899, ukurasa 336 ff (online kwenye archive.org)
  • Jan Knappert, 1993: The Swahili Names of Stars, Planets and Constellations; The Indian Ocean Review September 1993 Volume 6 No. 3 September 1993, kurasa 6-7, ISSN 1031-2331