Mkoa wa Morogoro

Mkoa wa Morogoro
Mahali paMkoa wa Morogoro Mahali pa Mkoa wa Morogoro katika Tanzania
Majiranukta: 8°0′S 37°0′E
Nchi	Tanzania
Wilaya	6
Mji mkuu	Morogoro
Serikali
- Mkuu wa Mkoa	Issa Machibya
Eneo
- Jumla	73,039 km²
Idadi ya wakazi (2002)
- Wakazi kwa ujumla	1,759,809
Tovuti:  http://www.morogoro.go.tz/

Morogoro ni jina la mji, wilaya na mkoa wa Tanzania.

Mkoa wa Morogoro ni kati ya mikoa 26 ya Tanzania. Umepakana na mikoa ya Tanga, Pwani, Lindi, Ruvuma, Iringa, Dodoma na Arusha. Ikiwa eneo lake ni 72 939 km² kuna wakazi 1,759,809 (mwaka 2002). Morogoro iko kati ya mikoa mikubwa zaidi ya Tanzania.

Utawala

Mkoa una wilaya sita ndizo (idadi ya wakazi kwa mabano): Kilosa ( 489,513), Kilombero (322,779), Morogoro Vijijini (263,920), Morogoro Mjini (228,863), Mvomero (260,525), Ulanga (194,209). Wakazi walio wengi hukalia wilaya za kaskazini mkoani. Robo yao huishi katika miji ya mkoa.

Wilaya za Mkoa wa Morogoro
Ramani	Wilaya au manisipaa	Wakazi (2002)	Tarafa	Kata	Kijiji	Eneo km²
Wilaya za Mkoa wa Morogoro	Wilaya ya Kilombero	321,611	5	19	81	14,918
	Wilaya ya Kilosa	489,513	9	37	164	14,245
	Wilaya ya Morogoro Vijijini	263,920	6	25	132	11,925
	Wilaya ya Morogoro Mjini	227,921	1	19	-	531
	Wilaya ya Mvomero	260,525	4	17	101	7,325
	Wilaya ya Ulanga	193,280	5	24	65	24,560
	Jumla	1,759,809	30	141	543	73,039
	Makisio ya idadi ya watu kwa mwaka 2008 ni watu 2,021,714 kutokana na kiwango cha ongezeko la watu la asilimia 2.6 kwa mwaka.
Marejeo: Mkoa wa Morogoro

Eneo

Eneo la Mkoa wa Morogoro liko katikati ya mikoa ya pwani la Bahari Hindi na Nyanda za Juu. Kuna tambarare za chini kama vile Ifakara / Kilombero pia milima ya juu kama Uluguru penye mlima wa Kimhandu mwenye 2646 m juu ya UB.

Mito mikubwa ni Wami na Ruvu inayoanza kwenye milima ya Uluguru. Ruvu ndiyo mto wa kutoa maji ya Daressalaam.

Karibu nusu ya eneo la Mkoa wa Morogoro ni hifadhi za wanyama za Mikumi, Udzungwa na Selous.

Wakazi

Kabila kubwa ni Waluguru waliotoa jina kwa mji wa Morogoro pamoja na milima ya Uluguru. Makabila mengine makubwa zaidi ni Wangulu, Wakagulu, Wasagala na Wapogolo.

Mawasiliano

Barabara Kuu za lami za Daressalaam - Morogoro - Mbeya - Zambia/Malawi na Daressalaam - Morogoro - Dodoma hupita eneo la mkoa pamoja na reli ya kati Daresalaam - Morogoro - Dodoma - Kigoma / Mwanza. Reli ya TAZARA hupita wilaya ya Kilombero.

Uchumi

Kilimo kinategemea hali ya mvua. Kilombero kuna mashamba makubwa ya miwa. Mazao ya sokoni hulimwa milimani. Katibu nusu ya eneo la mashamba yote hulimwa mahindi.

Marejeo ya Nje

• Tovuti ya Mkoa wa Morogoro
• Mrogoro Regional Profile (2007)
• Tovuti ya mkoa