Shirikisho la Mikronesia

Federated States of Micronesia

Bendera Nembo
Wito la taifa:
Wimbo wa taifa: Patriots of Micronesia
Mji mkuu	Palikir 6°55′ N 158°9′ E
Mji mkubwa nchini	Weno
Lugha rasmi	Kiingereza (kitaifa), Kiulithi, Kiwoleaia, Kiyap, Kipohnpeia, Kikosraea, and Kichuuk (kijimbo)
Serikali Rais	Jamhuri Joseph J. Urusemal
Uhuru Tarehe	3 Novemba 1986
Eneo  - Jumla  - Maji (%)	702 km² (ya 188)
Idadi ya watu  - Julai 2006 kadirio  - 2000 sensa  - Msongamano wa watu	106,104 (ya 192) 107,000 158.1/km² (ya 75)
Fedha	US Dollar (USD)
Saa za eneo  - Kiangazi (DST)	(UTC+10) (UTC-)
Intaneti TLD	.fm
Kodi ya simu	+691 -

Shirikisho la Mikronesia ni nchi ya visiwani katika Pasifiki kaskazini kwa Papua Guinea Mpya.

Ni nchi huru inayoshirikiana na Marekani. Nchi ilikuwa eneo lindwa chini ya Marekani kwa niaba ya Umoja wa Mataifa hadi ikapata uhuru wake mwaka 1986.

Jiografia

Shirikisho lajumlisha sehemu kubwa ya funguvisiwa ya Karolini katika Mikronesia, kanda la Pasifiki. Jumla ya visiwa ni 607.

Nchi ina majimbo manne ya kujitawala ambayo ni Chuuk, Kosrae, Pohnpei na Yap.

Visiwa vya Palau ni pia sehemu ya Karolini lakini ni nchi ya pekee.

Mji mkubwa wa nchi ni Weno (wakazi 17,624) kisiwani Chuuk lakini mji mkuu ni Palikir kwenye kisiwa cha Pohnpei.

Majimbo ya shirikisho

Kuna majimbo manne kama yafuatayo:

Bendera	Jimbo	Mji Mkuu	Eneo la nchi kavu	Wakazi	Msongamano
	Chuuk	Weno	127 km2	53,595	1,088 per km2
	Kosrae	Tofol	110 km2	7,686	70 per km2
	Pohnpei	Palikir	346 km2	34,486	100 per km2
	Yap	Colonia	118 km2	11,241	95 per km2

Historia

Visiwa vimekaliwa na watu tangu miaka 4,000 iliyopiua, hasa kutoka Rasi ya Malay na visiwa vya Indonesia. Wengine wametokea visiwa vya Polinesia.

Kisiwani Yap kulitokea dola na utawala wa kifalme.

Tangu kufika kwa Wahispania katika karne ya 16 visiwa vilikuwa chini ya ubwana wa nje lakini maisha ya kawaida yaliendelea bila mabadiliko makubwa kwa muda mrefu.

Mwisho wa karne ya 19 Hispania iliuza koloni kwa Ujerumani; utawala wa Kijerumani ulikwisha katika Vita Kuu ya Kwanza ya Dunia ukachukuliwa na Japani hadi mwisho wa Vita Kuu ya Pili ya Dunia.

Japani ilifuatwa na Marekani iliyoendelea kutawala kwa niaba ya UM hadi uhuru.

Lugha na Utamaduni

Kanisa katoliki kisiwani Pohnpei

Kuna lugha 18 ambazo huzungumzwa katika Shirikisho la Mikronesia.

Wakazi wengi ni wa makabila ya asili.

Upande wa dini, wengi ni Wakristo, kwanza Wakatoliki halafu Waprotestanti wa madhehebu mbalimbali.

Uchumi

Uchumi wa nchi hutegemea hasa kilimo cha kujisukuma na uvuvi. Mapato ya serikali ni kutokana na vibali kwa wavuwi wa nje wanaovua samaki ndani ya maji ya shirikisho.

Kuna pia uchimbaji wa fosfeti.

Hata hivyo shirikisho la Mikronesia pamoja na Nauru vina idadi kubwa ya watu wanene duniani.

Makala hii kuhusu eneo fulani bado ni mbegu. Je unajua kitu kuhusu Shirikisho la Mikronesia kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.