Dominika

Kisiwa cha Dominica

Commonwealth of Dominica

Bendera Nembo
Kaulimbiu ya taifa: Après le Bondie, C'est la Ter (Kifaransa) (Baada ya Mungu ni dunia)
Wimbo wa taifa: Isle of Beauty, Isle of Splendour
Mji mkuu	Roseau 15°18′ N 61°23′ W
Mji mkubwa nchini	Roseau
Lugha rasmi	Kiingereza
Serikali Rais Waziri Mkuu	Demokrasia Charles Savarin Roosevelt Skerrit
Uhuru Tarehe	3 Novemba 1978
Eneo  - Jumla  - Maji (%)	750 km² (ya 174) 1.6
Idadi ya watu  - Agosti 2016 kadirio  - 2011 sensa  - Msongamano wa watu	73,543 (ya 1951) 71,293 105/km² (ya 95)
Fedha	East Caribbean Dollar (XCD)
Saa za eneo  - Kiangazi (DST)	(UTC-4) (UTC-4)
Intaneti TLD	.dm
Kodi ya simu	+1-767 -
1Rank based on 2005 UN estimate.

Ramani ya Dominica.

Dominika ni nchi ya kisiwani katika Bahari ya Karibi. Haitakiwi kuchanganywa na Jamhuri ya Dominika ambayo ni nchi nyingine katika Karibi.

Nchi ni mwanachama wa Jumuiya ya Madola, lakini ni jamhuri.

Jina

Jina limetokana na lugha ya Kilatini na linamaanisha „Jumapili“ kwa sababu Kristoforo Kolumbus alifika huko mara ya kwanza siku ya Jumapili tarehe 3 Novemba 1493.

Jiografia

Kisiwa kina urefu wa km 46.4 na upana wa km 25.6; eneo lake ni km² 746.

Mlima mkubwa ni volkeno ya Morne Diablotins yenye kima cha m 1,447 juu ya UB.

Kuna misitu mingi na maeneo ya kuhifadhiwa.

Historia

Dominica ilikuwa kati ya visiwa vya mwisho katika Karibi vilivyotekwa na Wazungu kutokana na utetezi mkali wa wenyeji Waindio. Ni pia mahali pa mwisho ambako bado wako Wakaribi (3,000) waliopotea penginepo kwenye visiwa vya Karibi.

Tabia ya kisiwa kuwa na milima mingi ilifanya isionekane ni mahali pazuri pa kilimo ya mashamba makubwa. Hivyo mataifa yaliyounda makoloni kwa muda mrefu hayakuvutwa kulipa gharama za kupeleka wanajeshi wengi kisiwani waliohitajika kukandamiza Waindio.

Hispania iliacha majaribio ya kuteka kisiwa katika karne ya 16.

Uingereza ilijaribu kuunda utawala wake juu ya kisiwa mwaka 1627 ikaacha.

Mwaka 1635 Ufaransa ilipeleka bendera yake Dominica lakini ikaacha pia.

Tangu mwaka 1748 Uingereza na Ufaransa walipatana ya kwamba kisiwa kitakuwa eneo lisilotawaliwa na upande mmoja.

Katika miaka iliyofuata walowezi wachache Wafaransa walianzisha mashamba na mji wa Roseau.

Baada ya vita ya miaka saba Uingereza ulichukua utawala wa kisiwa na kupeleka huko walowezi pamoja na watumwa kutoka Afrika. Waindio walirudishwa polepole katika maeneo ya milimani.

Uhuru ulipatikana tarehe 3 Novemba 1978.

Miji

Miji mikubwa zaidi kisiwani ni:

• 1. Roseau: wakazi 16,571
• 2. Portsmouth: wakazi 3,633
• 3. Marigot: wakazi 2,669
• 4. Berekua: wakazi 2,608
• 5. Mahaut: wakazi 2,369
• 6. Saint Joseph: wakazi 2,184

Watu

Kwa sasa wakazi 75% wana asili ya Afrika na 19.2% ni machotara.

Lugha rasmi ni Kiingereza, lakini wengine wanazungumza Krioli zinazotegemea Kifaransa au Kiiingereza.

Upande wa dini, 80% ni Wakatoliki, 10-12% ni madhehebu ya Kisabato, 3% wanafuata dini za jadi.

Tazama pia

• Orodha ya nchi kufuatana na wakazi

Viungo vya nje

• Official website of the Government of the Commonwealth of Dominica.
• Dominica – Art, Articles, Culture, History & Resources Ilihifadhiwa 30 Agosti 2013 kwenye Wayback Machine. (Lennox Honeychurch)
• Chief of State and Cabinet Members Ilihifadhiwa 24 Machi 2010 kwenye Wayback Machine.
• Dominica entry at The World Factbook
• Dominica Ilihifadhiwa 3 Julai 2008 kwenye Wayback Machine. at UCB Libraries GovPubs.
• Dominican creole or Kwéyòl (presentation, vocabulary and conversation guide)
• Wikimedia Atlas of Dominica
• Discover Dominica: Nature Island of the Caribbean, official government tourism website by the Discover Dominica Authority.
• Official website of the Dominica Cricket Association.

Makala hii kuhusu maeneo ya Bahari ya Karibi bado ni mbegu. Je unajua kitu kuhusu Dominika kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.