Salma Kikwete

Kutoka Wikipedia, kamusi elezo huru
Jump to navigation Jump to search
Salma Kikwete
Amezaliwa 30 Novemba 1963 (1963-11-30) (umri 55)
30 Novemba 1963 (1963-11-30) (umri 55)
Utaifa Tanzania
Cheo Mke wa Rais wa Tanzania
Chama cha siasa CCM
Ndoa Jakaya Kikwete (m. 1989–present) «start: (1989)»"Marriage: Jakaya Kikwete to Salma Kikwete" Location: (linkback://sw.wikipedia.org/wiki/Salma_Kikwete)
Watoto 5

Salma Kikwete (alizaliwa tarehe 30 Novemba 1963) ni mwalimu, mwanaharakati na mwanasiasa ambaye ni mke wa aliyekuwa Rais wa Tanzania wa awamu ya nne Jakaya Mrisho Khalfan Kikwete[1], madarakani kuanzia mwaka 2005 hadi 2015.

Awali Salma Kikwete alifanya kazi kama mwalimu kwa zaidi ya miaka ishirini.[1]

Mwaka wa 2005, serikali ilianzisha kampeni ya taifa ya upimaji wa hiari wa virusi vya UKIMWI jijini Dar es Salaam. Salma Kikwete na mumwe walikuwa wa kwanza kupimwa nchini humo.[2]

Mwaka wa 2009, alikuwa Makamu wa Rais wa Kanda ya Mashariki wa Jumuiya ya Wake wa Marais wa Afrika dhidi ya UKIMWI (Organization of African First Ladies Against AIDS - OAFLA).[1]

Mwaka 2012, Salma Kikwete, Rais wa zamani wa Botswana Festus Mogae na watu wengine kumi mashuhuri barani Afrika waliungana na UNESCO na UNAIDS kuunga mkono mkakati wa Mashariki na Kusini mwa Afrika wa Kuzuia Maambukizi ya Virusi vya UKIMWI na Afya ya Kijinsia kwa Watoto Wadogo, ambayo ilianzishwa tangu Novemba 2011.[3]

Kikwete pia ni mwanzilishi wa Wanawake na Maendeleo (WAMA), shirika lisilo la kiserikali ambalo linachochea maendeleo ya wanawake na watoto.[1]

Mwaka mmoja baada ya mumewe kuondoka madarakani, Salma Kikwete alichaguliwa na Rais John Magufuli kuwa mbunge wa viti maalumu tarehe 1 Machi 2017.[4]

Marejeo[hariri | hariri chanzo]