Stefano
Stefano (aliuawa Yerusalemu, Israeli/Palestina, 36 hivi BK) ni mfiadini wa kwanza wa Kanisa la Yesu Kristo.
Habari zake zinapatikana katika kitabu cha Matendo ya Mitume kuanzia sura ya 6.
Myahudi mwenye kutumia zaidi lugha ya Kigiriki, ni wa kwanza kati ya wanaume 7 waliowekewa mikono na Mitume wa Yesu kwa ajili ya kutoa huduma.
Mtu aliyejaa imani na Roho Mtakatifu, kutokana na juhudi zake, alikabiliana na chuki ya Wayahudi wenye msimamo mkali, akawa wa kwanza kati ya wafuasi wa Yesu kumwaga damu yake mwenyewe kwa kumtolea ushahidi wa imani kama Kristo, akisema anamuona katika utukufu ameketi kuume kwa Baba [1].
Katika kufa alizidi kumuiga Yesu kwa kuwaombea msamaha watesi wake akamkabidhi roho yake. Maneno yake ya mwisho yalikuwa haya: "Bwana Yesu, pokea roho yangu… Bwana, usiwahesabie dhambi hii." (Mdo 7:59-60)
Mhusika mkuu wa kifodini chake alikuwa Farisayo jina lake Saulo, maarufu zaidi baada ya uongofu wake kama Mtume Paulo.
Tangu kale anaheshimiwa kama mtakatifu na madhehebu yote ya Ukristo yanayokubali hadhi hiyo.
Kanisa Katoliki linaadhimisha sikukuu yake tarehe 26 Desemba[2], mara baada ya Noeli, wakati Waorthodoksi wanafanya hivyo tarehe 3 Agosti.
Tazama pia
[hariri | hariri chanzo]- Watakatifu wa Agano la Kale
- Orodha ya Watakatifu Wakristo
- Orodha ya Watakatifu wa Afrika
- Orodha ya Watakatifu Wafransisko
Tanbihi
[hariri | hariri chanzo]Viungo vya nje
[hariri | hariri chanzo]
- "St. Stephen, the First Martyr"
- "St. Stephen". Catholic Encyclopedia. 1913. http://www.newadvent.org/cathen/14286b.htm.
- "Apostle Stephen the Protomartyr"
|
Makala hii kuhusu mtu wa Biblia bado ni mbegu. Je, unajua kitu kuhusu Stefano kama habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |