Shilingi

Shilingi ya Uskoti ya mwaka 1933.

Shilingi ni sarafu ya sasa na ya kihistoria ambayo imetumika katika maeneo mbalimbali duniani, ikiwemo Ulaya, Afrika ya Mashariki, na Oceania na haswaa nchi za Milki ya Britania. Asili ya neno "shilingi" ni katika Uingereza ya Enzi za Kati, ambapo lilitumiwa kumaanisha sarafu ya fedha ya thamani ya sehemu moja kwa ishirini ya Pauni ya Uingereza. Kwa muda, matumizi yake yalisambaa hadi kwenye koloni na maeneo mengine ya Uingereza, ambako shilingi ikawa msingi wa sarafu za kienyeji kama vile shilingi ya Afrika ya Mashariki, shilingi ya Australia, na shilingi ya Nyuzilandi, hadi zilipobadilishwa na mifumo ya nukta.

Leo hii, shilingi bado ni sarafu rasmi katika nchi kama Kenya, Uganda, Tanzania, na Somalia. Alama ya shilingi ni sh ila hutofautiana kwa kila nchi mfano Ksh, Tsh , Ugx

Historia ya Shilingi

Asili ya jina ni kitengo cha kihistoria cha pesa katika nchi mbalimbali za Ulaya kama vile Austria, Uswisi, Uingereza, Poland, Denmaki, Norwei na Uswidi.

Katika nchi nyingi kati ya hizo pesa hiyo haikutumika tena isipokuwa hadi mwaka 1971 Pauni ya Uingereza ilikuwa na shillings 12 na kila shilling ilikuwa na penny 20. Nchi nyingi zilizorithi mfumo wa pesa kutoka Uingereza walitumia pauni na shilingi hadi kuhamia kwenye pesa ya desimali.

Zaidi tena huko Austria "Schilling" ilikuwa pesa rasmi hadi nchi kujiunga na Euro.

Shilingi ya Afrika Mashariki

Uingereza ilitoa "East African Shilling" kuanzia mwaka 1921 kama pesa ya pamoja kwa ajili ya makoloni yake ya Kenya, Uganda na Tanganyika. Zanzibar ilijiunga na shilingi hiyo mwaka 1935 ilipoacha rupia zake.

Baada ya uhuru nchi hizo zilivunja umoja wa kifedha zikaanzisha pesa zao za pekee. Zote zinaitwa shilingi lakini thamani ilianza kutofautiana haraka, ya Kenya ikiongoza na ya Uganda kushika nafasi ya mwisho.

Kuna majadiliano ya kurudisha shilingi ya pamoja kwa nchi za Jumuia ya Afrika ya Mashariki. Kwanza ilitarajiwa kuanzishwa mwaka 2012, halafu mwaka 2015, sasa mwaka 2024.

Picha

• 
  Sarafu ya Shilingi ya Afrika Mashariki ya mwaka 1925 upande A
• 
  Sarafu ya Shilingi ya Afrika Mashariki ya mwaka 1925 upande B
• 
  Sarafu ya senti 5 za Shilingi ya Afrika Mashariki ya mwaka 1935 upande A
• 
  Sarafu ya senti 5 za Shilingi ya Afrika Mashariki ya mwaka 1935 upande B
• 
  Sarafu ya senti 1 ya Shilingi ya Afrika Mashariki ya mwaka 1930 upande A
• 
  Sarafu ya senti 1 ya Shilingi ya Afrika Mashariki ya mwaka 1930 upande B
• 
  Sarafu za senti 1 na senti 10 za Shilingi ya Afrika Mashariki ya Kiingereza
• 
  Shilingi ya Ufalme wa Muungano 1853
• 
  Shilingi ya Jamhuri ya Kiafrika ya Kusini 1897

Tanbihi

Makala hii kuhusu mambo ya uchumi bado ni mbegu. Je, unajua kitu kuhusu Shilingi kama historia yake au mahusiano yake na mada nyingine? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.