Nino wa Georgia
Nino wa Georgia (kwa Kigeorgia: წმინდა ნინო, ts'minda nino, kwa Kigiriki Αγία Νίνα, Agia Nina) alikuwa mwanamke (296 hivi – 338 au 340) aliyeingiza Ukristo nchini Georgia, na kwa sababu hiyo anaitwa "Aliye sawa na Mitume" na "Mwangazaji wa Georgia".
Tangu kale anaheshimiwa na Waorthodoksi na Wakatoliki kama mtakatifu.
Sikukuu yake kwa kawaida huadhimishwa tarehe 14 Januari.
Maisha[hariri | hariri chanzo]
Kadiri ya mapokeo alitokana na familia ya Kirumi yenye kuongea Kigiriki kutoka Kolastra, Kapadokia na alikuwa na undugu na Joji mfiadini,[1]. Kutoka Konstantinopoli alikwenda Iberia kwenye milima ya Caucasus.
Vyanzo vingine vinasema alitokea Roma, Yerusalemu au Galia (leo Ufaransa). [2]
Kisha kutenda miujiza ya uponyaji, alimfanya malkia Nana wa Iberia aongokee Ukristo.
Halafu mfalme Mirian III wa Iberia alirudishiwa uwezo wa kuona baada tu ya kumuomba "Mungu wa Nino", akaongoka pia na kufanya Ukristo kuwa dini rasmi ya nchi hiyo (327 hivi).
Nino aliendelea na umisionari nchini hadi kifo chake.
Tazama pia[hariri | hariri chanzo]
- Watakatifu wa Agano la Kale
- Orodha ya Watakatifu Wakristo
- Orodha ya Watakatifu wa Afrika
- Orodha ya Watakatifu Wafransisko
Tanbihi[hariri | hariri chanzo]
Marejeo[hariri | hariri chanzo]
- Wardrop, Margery (2006). Life of Saint Nino. Gorgias Press. ISBN 978-1-59333-471-0.
- Dowling, Theodore E. (2003). Sketches of Georgian Church History. Adamant Media. ISBN 978-1-4212-2891-4.
Viungo vya nje[hariri | hariri chanzo]
