Liwali

Kutoka Wikipedia, kamusi elezo huru
Rukia: urambazaji, tafuta

Kwa "wali" kama chakula tazama wali (chakula)

Liwali

Liwali au wali ni cheo cha msimamizi wa eneo fulani.

Asili ni neno la Kiarabu "ولي" linalomaanisha mtawala wa mahali au eneo asiyejitegemea bali aliyeteuliwa na serikali kushughulikia mambo ya utawala katika eneo fulani. Mara nyingi katika nchi za utamaduni wa Uislamu Wali alisimamia "wilaya". Kazi yake ililingana na "gavana".

Katika eneo la Waswahili maneno ya wali au liwali yalichanganywa kwa maana moja kumtaja mkuu wa mahali au wa mji. Masultani wa Zanzibar waliteua maliwali kwa ajili ya miji ya pwani waliokuwa wawakilishi wa sultani mahali walipo.

Mwaka 1886 kulikuwa na maliwali wafuatao wa Zanzibar kwenye pwani la Afrika ya Mashariki: Tungi, Mikindani, Lindi, Kilwa Kivinje, Kikunye, Kisiju[1]

Marejeo[hariri | hariri chanzo]

  1. Kutokana na taarifa ya Lord Salisbury, taz. Jutta Bückendorf: „Schwarz-weiß-rot über Ostafrika!“ Münster, 1997