Frumensyo

Kutoka Wikipedia, kamusi elezo huru
Jump to navigation Jump to search
Mt. Frumensyo wa ufalme wa Aksum.

Frumensyo, kwa Kigeez ፍሬምናጦስ, Frēmnāṭōs (Turo, Lebanon, mwanzoni mwa karne ya 4 - Ethiopia, 383 hivi) alikuwa askofu wa kwanza wa Aksum, akiwa ndiye aliyeingiza Ukristo katika ufalme wa Aksum.[1]

Mwaka 316 hivi, wakati alipotawala Kaisari Konstantino Mkuu kule Roma, meli moja ilikuwa safarini kutoka Shamu kwenda Bara Hindi ikaharibika kwenye pwani ya Ethiopia. Vijana wawili waliokolewa wakapelekwa mbele ya mfalme kule Aksum.

Mmojawao, kwa jina Frumensyo, alipata haraka sifa za kuwa mwenye elimu na hekima. Akapanda ngazi kuwa mshauri wa mfalme na mwalimu wa mwana wa mfalme aliyeitwa Ezana. Frumensyo aliweza kupanda mbegu za imani moyoni mwa kijana huyo. Baada ya kuwa mfalme, Ezana akaendelea kumtumia Frumensyo kama mshauri wake.

Siku moja Frumensyo aliomba ruhusa ya mfalme aende nyumbani kuangalia kama wazazi wake bado wanaishi. Mfalme akamruhusu akamwomba atafute kule walimu wanaoweza kufundisha elimu aliyokuwa nayo Frumensyo pamoja na imani ya Kikristo. Frumensyo akamwendea Askofu Mkuu wa Misri aliyemweka wakfu kuwa askofu kwa ajili ya Waethiopia. Hivyo Kanisa lilianza katika nyanda za juu za Ethiopia. Mfalme Ezana akabatizwa akifuatwa na watu wengi wa makao makuu.

Anaheshimiwa kama mtakatifu na Wakristo Waorthodoksi wa Mashariki, Waorthodoksi na Wakatoliki. Sikukuu yake inaadhimishwa nao katika tarehe tofauti: 18 Desemba[2], 30 Novemba na 27 Oktoba, lakini huko Ethiopia tarehe 1 Agosti.[3]

Tazama pia[hariri | hariri chanzo]

Tanbihi[hariri | hariri chanzo]

  1. Saheed A. Adejumobi (2007). The History of Ethiopia. Westport, Conn: Greenwood Press, 171. ISBN 0-313-32273-2. 
  2. Date of Feast/Consecration as Bishop of Ethiopia
  3. Festivals and Commemorations: Handbook to the Calendar in Lutheran Book of Worship, Augsburg Press, 1980

Marejeo[hariri | hariri chanzo]

  • Martyrologium Romanum, Editio Altera, (Citta del Vaticano: Libreria Editrice Vaticana, 2004), p. 401

Viungo vya nje[hariri | hariri chanzo]

Christian cross.svg Makala hii kuhusu Mkristo huyu bado ni mbegu.
Je, unajua kitu kuhusu Frumensyo kama wasifu wake, habari za maisha au kazi yake?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.