Alda

Alda wa Siena (kwa Kiitalia Aldobrandesca pia; 1249 hivi – 1309 hivi) alikuwa mwanamke Mkristo wa Italia.

Tangu kale anaheshimiwa kama mwenye heri.

Sikukuu yake huadhimishwa tarehe 26 Aprili.

Maisha

Alda alizaliwa Siena (leo mkoani Toscana); baada ya kuishi miaka saba katika ndoa bila kupata mtoto, alifiwa mumewe.

Hapo alitawa upwekeni nje ya mji na kujitosa katika kujinyima na kutoa sadaka kwa taratibu za Wahumiliati.

Baada ya kupata njozi kuhusu Yesu kutenda kama inavyoelezwa na Injili, aligawa mali zake zote akaenda kuishi hospitalini ili kuhudumia wagonjwa. Katika kazi hiyo ilitokea miujiza kadhaa.

Siku moja wahudumu wenzake wasioamini njozi zake, alipokuwa nje ya nafsi yake, walimchoma mwilini kwa sindano na moto, lakini hakuwa na itikio lolote mpaka baada ya kuzinduka. Hapo alisema tu kwa unyenyekevu, "Mungu awasamehe", jambo lililomvutia wote.

Marejeo

• Dictionary of Saints, by John Delaney

Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.