Tulia Ackson

Kutoka Wikipedia, kamusi elezo huru
Jump to navigation Jump to search

Tulia Ackson (amezaliwa tarehe 23 Novemba 1976) ni mwanasheria na mwanasiasa Mtanzania mwanachama wa Chama cha kisiasa cha Chama cha Mapinduzi (CCM). Ameteuliwa na Rais John Magufuli kuwa mbunge kwa miaka 20152020. [1] akachaguliwa pia kuwa naibu spika.

Ackson alizaliwa kwenye kata ya Bulyaga, Tukuyu kwenye wilaya ya Rungwe. Alisoma shule huko Tukuyu na Mbeya.

Miaka 1998-2003 alisoma sheria kwenye chuo kikuu cha Dar es Salaam akaendelea kusoma kwa shahada ya uzamivu huko Cape Town, Afrika Kusini miaka 2005-2007.

Alirudi Dar es Salaam alipofundisha sheria kwenye chuo kikuu hadi mwaka 2014 alipoteuliwa na rais Jakaya Kikwete kuwa mjumbe wa Bunge Maalum la Katiba. Mwaka 2015 alikuwa kati ya wabunge 10 walioteuliwa na rais kuingia bungeni.

Marejeo[hariri | hariri chanzo]

  1. Tovuti ya Bunge la Tanzania, iliangaliwa Mei 2017