Mtaguso wa Efeso

Sehemu ya mfululizo kuhusu
Mitaguso mikuu ya Kanisa Katoliki
Mtaguso wa Trento.
Mtangulizi (50 hivi)
Yerusalemu
Roma ya Kale (325–451)
Nisea I Konstantinopoli I Efeso Kalsedonia
Mwanzoni mwa Karne za Kati (553–870)
Konstantinopoli II Konstantinopoli III Nisea II Konstantinopoli IV
Mwishoni mwa Karne za Kati (1122–1517)
Laterano I Laterano II Laterano III Laterano IV Lyon I Lyon II Vienne Konstanz Florence Laterano V
Nyakati za uvumbuzi mwingi (1545–)
Trento Vatikano I Vatikano II

Mtaguso wa Efeso (431) unahesabiwa na Wakristo walio wengi kama mtaguso mkuu wa tatu. Ulifanyika Efeso katika mkoa wa Asia Ndogo, kwa amri ya kaisari Theodosius II; Papa Selestini I (422-432) alimteua Sirili wa Aleksandria kuuendesha; washiriki walikuwa zaidi ya 150 na kujadili vikali hasa uzushi wa Nestori wa Konstantinopoli.

Historia

Patriarki Nestori alikuwa anasisitiza ubinadamu wa Yesu Kristo kuliko umungu wake, akisema Bikira Maria alimzaa mtu Yesu, si Mungu, wala si Neno wa Mungu aliyehifadhiwa ndani ya nafsi ya Kristo kama hekaluni. Kwa hiyo Kristo alikuwa Theophoros, yaani "mbeba Mungu", na Maria Christotokos, "Mama wa Kristo" si Theotokos, "Mama wa Mungu".

Mtaguso huo ulilaani haraka mafundisho hayo ukikiri kwamba nafsi ya Yesu Kristo ni moja tu, ile ya milele ya Mwana wa Mungu, na kwamba nafsi hiyo ilitwaa ubinadamu kamili wenye mwili na roho. Hivyo Maria ni Theotokos kwa kuwa alimzaa Mungu kama binadamu.

Wajumbe wa Papa walipofika walithibitisha uamuzi huo, lakini maaskofu kutoka Antiokia hawakuridhika, na uzushi huo uliendelea Mesopotami na kuenea hata Asia mashariki.

Mtaguso ulitangaza kuwa Kanuni ya Imani ya Nisea-Konstantinopoli ni kamili ukakataza isibadilishwe kwa namna yoyote.

Pia ulilaani Upelaji, uzushi kutoka Ulaya magharibi kuhusu uwezo wa binadamu kutenda mema bila ya kusaidiwa na neema ya Mungu.

Viungo vya nje

• Kanuni 8 zilizotolewa na mtaguso
• Hati na barua kuhusu mtaguso Archived 16 Agosti 2000 at the Wayback Machine.
• Madondoo ya mtaguso
• Efeso katika Catholic Encyclopedia

Makala hii kuhusu dini ya Ukristo bado ni mbegu. Je, unajua kitu kuhusu Mtaguso wa Efeso kama historia yake, matokeo au athari zake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.