Eneo la Ruweng

Ruweng State
Mahali paRuweng State Mahali pa Ruweng katika Sudan Kusini
South Sudan	Sudan Kusini
Makao makuu	Panrieng
Idadi ya kaunti	8
Idadi ya manispaa
Serikali
- Gavana	Mayol Kur Akuei
Idadi ya wakazi (Kadirio la 2014)
- Wakazi kwa ujumla	246,360

Eneo la Ruweng ni eneo maalum la kiutawala nchini Sudan Kusini. Eneo hilo lilijulikana kama Jimbo la Ruweng kati ya tarehe 2 Oktoba 2015 na 22 Februari 2020 wakati lilipokuwa na hadhi ya jimbo la Sudan Kusini.

Ruweng ni eneo lenye mafuta ghafi.

Historia

Wakati wa uhuru wa Sudan Kusini, Ruweng ilikuwa sehemu ya Jimbo la Umoja. Tangu mwaka 2009 Wadinka, ambao ni wenyeji wa Ruweng, walilalamika kutopewa haki zao kutoka kwa Wanuer ambao ni wengi katika jimbo la Umoja. Kutokana na malalamiko hayo Rais Salva Kiir alitoa amri ya kuanzisha majimbo 32 kwenye mwaka 2015 badala ya majimbo 10 yaliyotajwa na katiba. Amri hiyo ilianzisha majimbo mapya pamoja na Ruweng kuwa jimbo. Mayol Kur Akuei aliteuliwa kuwa Gavana mwaka wa 2015.

Mwaka 2020 majimbo 10 ya awali yalirudishwa lakini Ruweng ilikuwa moja kati ya maeneo maalum matatu ya kiutawala yaliyopo moja kwa moja chini ya serikali kuu.

Wakuu wa eneo

Kipindi	Jina	Chama
Mei 2015 - 2017	Mayol Kur Akuei	SPLM
2017-2017	Theji Da Aduot Deng	SPLM(IO)
2017 - Juni 2020	Wao ni Michar Kuol	SPLM(IO)
2019-2020	Dkt.Lawrence Miabok Wuor Piok	SPLM]]
Juni 2020 - 2021	William Chol Awanlith	SPLM
Juni 2021 - Mei 2022	Mhe. Peter Daau Chopkuer	SPLM
Mei 2022 - Juni 2022	Mhe. Tiop Manyluak Diraan	SPLM
Juni 2022–Sasa	Stephano Wieu Mialek	SPLM

Jiografia

Eneo la Kiutawala la Ruweng liko katika sehemu ya kaskazini ya Sudan Kusini na makao yake makuu yako Pariang. Inapakana na Jimbo la zamani la Fashoda upande wa mashariki na Jimbo la Fangak upande wa kusini-mashariki, Jimbo la Liech Kaskazini upande wa kusini, Jimbo la Twic upande wa kusini-magharibi, Abyei upande wa magharibi, na Sudan upande wa kaskazini.

Uchumi

Ni eneo linalozalisha mafuta kuliko maeneo yote mengine ya Sudan Kusini, kwa jumla karibu 80% ya mafuta ya Sudan Kusini yanazalishwa hapa, haswa katika uwanja wa mafuta wa Unity / Darbim (katika sehemu ya kusini), uwanja wa mafuta wa Heglig / Panthou (katika sehemu ya kaskazini-magharibi), uwanja wa mafuta cha Tomasouth/Kaloj (katika sehemu ya magharibi) na eneo la mafuta la Toor/Athony au maeneo mengine ya mafuta kama vile Labob/Miading na Munga/Wanhe Danluel na Maan Awal na maeneo mengine.

Ruweng kuna wanyama wengi na pia samaki. Kuna maziwa mawili ambayo ni Ziwa Jau (katika sehemu ya kaskazini) na Ziwa No (katika sehemu ya kusini), ambapo Mto Bahr el Ghazal unaishia na kujiunga na Nile Nyeupe.

Wakazi

Wakazi wengi ni Wadinka wa Ruweng ambao ni Wadinka wa Panaruu wenye makabila madogo 12 na Wadinka wa Aloor au Ruweng Biemnom wenye makabila madogo 6.

Mgawanyiko wa kiutawala

Eneo hilo lina wilaya 2 (counties): Panriang na Abiemnom .

Marejeo

Makala hii kuhusu maeneo ya Afrika bado ni mbegu. Je unajua kitu kuhusu Eneo la Ruweng kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.