Robert Luther

Karl Theodor Robert Luther (Świdnica, 16 Aprili 1822 - Düsseldorf, 15 Februari 1900) alikuwa mtaalamu wa nyota (mwanaastronomia) kutoka nchini Ujerumani.

Alifanya kazi katika Bilk Observatory huko Düsseldorf, Ujerumani, alitafuta asteroidi na kuzigundua 24 kati ya mwaka 1852 na 1890. Ni mshindi wa tuzo ya Lalande mara saba.

Wasifu

Medali ya ukumbusho wa wana anga watatu,Robert Luther akiwa miongoni mwao

Robert Luther alizaliwa 16 Aprili 1822 na wazazi wake Luther na Wilhelmine von Ende. Alisoma nyumbani na baada ya hapo katika shule ya secondari ya eneo hilohilo. Mnamo 1841 alihamia chuo cha Breslau ambapo alisoma hadi 1843.

Mnamo 1843 Luther alihamia Berlin kusomea masomo ya unajimu. Alikuwa mwanafunzi wa Johann Franz Encke na akamsaidia katika hesabu zake za astronomia. Mnamo 1850 alikua mchunguzi wa pili katika chuo. Mnamo 1851, Franz Brünnow alimwalika Luther kwenye Düsseldorf-Bilk Observatory kuwa mkurugenzi wa uchunguzi baada ya kustaafu kwake. Luther alimuoa Caroline na walikuwa na mtoto mmoja wa kiume, William. Luther alikufa mnamo 1900 kwa ugonjwa mfupi huko Düsseldorf.

Ugunduzi

Luther aligundua nyota 24 kati ya mwaka 1852 na 1890.

Ugunduzi wake sasa unajulikana kwa kuwa na sifa zisizo za kawaida: Asteroidi zenye sifa sawa, Antiope 90 na glauke inayozunguka polepole sana.

Aligundua asteroidi 25 zifuatazo:

• 17 Thetis mnamo 14 Aprili, 1852
• 26 Proserpina mnamo 5 Mei, 1853
• 28 Bellona mnamo 1 Machi, 1854
• 35 Leukothea mnamo 19 Aprili, 1855
• 37 Fides mnamo 5 Oktoba, 1855
• 47 Aglaja mnamo 15 Septemba, 1857
• 50 Virginia mnamo 19 Oktoba, 1857
• 53 Kalypso mnamo 4 Aprili, 1858
• 57 Mnemosyne mnamo 22 Septemba, 1859
• 58 Concordia mnamo 24 Machi, 1860
• 68 Leto mnamo 29 Aprili, 1861
• 71 Niobe mnamo 13 Agosti, 1861
• 78 Diana mnamo 15 Machi, 1863
• 82 Alkmene mnamo 27 Novemba, 1864
• 84 Klio mnamo 25 Agosti, 1865
• 90 Antiope mnamo 1 Oktoba, 1866
• 95 Arethusa mnamo 23 Novemba, 1867
• 108 Hecuba mnamo 2 Aprili, 1869
• 113 Amalthea mnamo 12 Machi, 1871
• 118 Peitho mnamo 15 Machi, 1872
• 134 Sophrosyne mnamo 27 Septemba, 1873
• 241 Germania mnamo 12 Septemba, 1884
• 247 Eukrate mnamo 14 Machi, 1885
• 258 Tyche mnamo 4 Mei, 1886
• 288 Glauke mnamo 20 Februari, 1890.

Heshima na tuzo

Alitunukiwa tuzo ya Lalande mara saba, mnamo miaka ya 1852, 1853, 1854, 1855, 1859, 1860 na 1861 na Royal Astronomical society. Mnamo 1869, alikabidhiwa medali ya ukumbusho ya unajimu.

Makala hii kuhusu mwanasayansi fulani bado ni mbegu. Je, unajua kitu kuhusu Robert Luther kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.