Benjamin wa Mambo Jambo

Benjamin wa Mambo Jambo
Kutoka kushoto ni: G Stable, Only Face na mwisho kabisa ni Benjamin mwenyewe.
Maelezo ya awali
Jina la kuzaliwa	Benjamin Sixtus Busungu
Pia anajulikana kama	Benjamin
Amezaliwa	11 Novemba 1976 (1976-11-11)
Asili yake	Sengerema, Mwanza Tanzania
Aina ya muziki	Hip hop Afro-Pop Dancehall Bongo Flava
Kazi yake	Singer/Producer
Ala	Sauti
Miaka ya kazi	2000 - hadi leo
Studio	Mwamba Productions Mzuka Records FM Studio Kokwa Production Napol Music
Ame/Wameshirikiana na	Dknob Saida Karoli Zola D Sharama Papii Kocha Baba Nyau MC Chichi Bella
Tovuti	https://web.facebook.com/benjaminwamambojambo/ https://www.instagram.com/benjaminwamambojambo/ https://open.spotify.com/artist/2xoxvoZEXPiijYGCGi2jgr

Benjamin Sixtus Busungu (anafahamika zaidi kwa jina lake la kisanii kama Benjamin wa Mambo Jambo; alizaliwa tarehe 11 Novemba 1976) ni msanii mwimbaji wa Hip Hop, Dancehall, Afro-Beat, Afro-Pop na pia mtayarishaji wa rekodi kutoka nchini Tanzania.

Awali alikuwa na kundi la Mambo Jambo, kundi ambao lilikuwa linafanya muziki wa hip hop katika miaka ya 2001/2002.

Vibao vyake binafsi ni pamoja na: "Nimefulia", "Myfriend" na "Bang" na "Mdundiko", na kuweza kushirikishwa katika baadhi ya nyimbo za bongo flava na albamu kadhaa. Vilevile amepiga video za muziki mbalimbali nchini Tanzania.

Maisha

Benjamin alizaliwa katika hospitali ya Bombo mjini Tanga, Tanzania.

Ni mtoto wa nne kuzaliwa katika orodha ya watoto kumi wa Sixtus Busungu. Alianza elimu yake ya msingi kunako mwaka wa 1985 hadi 1991, katika shule ya msingi Mtejeta, wilaya ya Mpwapwa, katika mkoa wa Dodoma, Tanzania.

Kisha akaenda kujiunga na shule ya Sekondari ya Lake ya mjini Mwanza Tanzania, kwa kidato cha kwanza hadi cha nne akiwa hukohuko Mwanza.

Baada ya hapo, akaelekea zake katika mafunzo ya sanaa katika Chuo cha Sanaa cha Bagamoyo kuanzia 1998 hadi 2000.

Kwa sasa anasomea bachela ya utayarishaji wa filamu katika chuo cha AFDA kilichopo Cape Town, Afrika Kusini.

Mengine aliyosomea ni ufundi wa kompyuta na uhandisi wa sauti katika Dar Computer UDSM.

Viungo vya nje

• Mambo Jambo Ilihifadhiwa 31 Agosti 2008 kwenye Wayback Machine. katika CDbaby.com
• Mambo Jambo Ilihifadhiwa 25 Septemba 2008 kwenye Wayback Machine. katika Mwamba Productions.com

Makala hii kuhusu mwanamuziki/wanamuziki fulani wa Tanzania bado ni mbegu. Je, unajua kitu kuhusu Benjamin wa Mambo Jambo kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.