Dar es Salaam

Dar es Salaam
Mjini Dar es Salaam inavyoonekana kutoka Mafuta House
Nembo
Dar es Salaam Lokeshen Dar es Salaam
Anwani ya kijiografia: 6°48′S 39°17′E
Nchi	Tanzania
Mkoa	Dar es Salaam
Idadi ya wakazi (2002)
- Mji	2,497,940

Dar es Salaam ni jiji kubwa kuliko yote nchini Tanzania. Ni pia jina la Mkoa wa Dar es Salaam. Hali halisi ni pia mji mkuu wa Tanzania hata kama Dodoma imetangazwa kuwa mji mkuu tangu mwaka 1973. Lakini ofisi ya rais na wizara nyingi bado zinafanya kazi Dar es Salaam ambayo hali halisi ni makao makuu ya serikali.

Historia

Jiji hili zamani liliitwa Mzizima. Sultani Seyyid Majid wa Zanzibar ndiye aliyelipa jiji hili jina "Dar es Salaam" linalotoka kwenye Kiarabu دار السلام (Dār as-Salām) lenye kumaanisha "nyumba ya amani." Maelezo yanayopatikana mara nyingi kuwa maana ni "bandari ya salama" yachanganya maneno mawili yanayofanana katika Kiarabu yaani "dar" (=nyumba) na "bandar" (=bandari).

Dar es Salaam ilichaguliwa na wakoloni Wajerumani kuwa mji mkuu wa Afrika ya Mashariki ya Kijerumani kwa sababu ya bandari asilia kwenye mdomo pana ya mto Kurasini. Kuanzia 1891 Dar es Salaam ilichukua nafasi ya Bagamoyo kama makao makuu ya utawala. Bandari pamoja na ujenzi wa reli ya kati kwenda Kigoma tangu 1904 ziliimarisha nafasi ya mji ulioendelea kama mji mkuu baada ya Tanzania bara kuwa koloni ya Tanganyika chini ya Uingereza.

Wakazi na uchumi

Dar es Salaam inakadiriwa kuwa na wakazi wapatao milioni tatu. Ingawa Dodoma inafahamika kama ndio mji mkuu wa Tanzania, Dar es Salaam ndiko ziliko ofisi kuu za viongozi wa serikali, mabalozi, mashirika ya kimataifa, n.k.

Uwanja wa ndege mkuu wa Tanzania uko pia mjini hii ni Uwanja wa ndege wa kimataifa wa Julius Nyerere. Bandari ya Dar es Salaam katika bahari ya Hindi, ndio bandari kubwa nchini Tanzania inayojihusisha na usafirishaji na uingizaji wa bidhaa mbalimbali za kilimo, ufugaji, ujenzi, magari, madawa, n.k.

Kiutawala, Dar es Salaam imegawanywa katika wilaya za Temeke, Ilala, na Kinondoni.

Viungo vya nje

Wikimedia Commons ina media kuhusu:

Dar es Salaam

• (Kiingereza) DAR ES SALAAM CITY PROFILE
  • Mohamed Said: Mwalimu in 1950s Dar (East African October 12 2008 - inasimulia maisha ya Nyerere katika Dar pamoja na habri nyingi za jiji wakati wa miaka ya 1950)

Picha za Dar es Salaam

• 

  Ikulu - Nyumba ya Rais huko Dar-Es-Salaam

• 

  Samora Machel Avenue with N.I.C. House

• 

  Feri ya kuvuka Kigamboni, nyumba za jiji zaonekana ng'ambo ya bandari asilia

• 

  Sanamu ya "Askari" kwa ajili ya maaskari Waafrika walioshiriki vita kuu ya kwanza upande wa Waingereza

• 

  Uwanja wa Ndege wa kimataifa

• 

  Timu ya mpira ya Yanga (Young African Sports Club) wanakaribishwa Dar

• 

  Mnazi Mmoja