Papias

Kutoka Wikipedia, kamusi elezo huru
Rukia: urambazaji, tafuta

Papias wa Hierapoli (* mnamo 70; † mnamo 155) alikuwa askofu au kiongozi wa ushirika wa kikristo mjini Hierapoli (karibu na Pamukkale ya leo katika Uturuki).

Papias ni maarufu katika historia ya Ukristo wka sababu ni mtu wa kwanza anayejulikana kukusanya habari juu ya waandishi wa Agano Jipya. Aliandika habari hizo katika vitabu vitano vilivyoitwa "Maelezo kuhusu maneno ya Bwana (Yesu)".

Maandiko hayo yamepotea lakini sehemu za yaliyomo yake zimehifadhiwa katika vitabu vingine vya Irenaeus wa Lyons (Dhidi ya uzushi) na Eusebio wa Kaisaria ambao walikuwa na vitabu vyake wakati wa kuandika vya kwao.

Papias alimtaja Mtume Mathayo kama mwandishi wa Injili ya Mathayo na "Presbiteri Marko mfasiri wa Petro" kama mwandishi wa Injili ya Marko.

Waandishi wa baadaye katika Ukristo wa kale hawakukubaliana juu yake. Wengine walimsifu wengine walimwona kama mtu asiye na habari za maana.

Tazama pia[hariri | hariri chanzo]

Marejeo[hariri | hariri chanzo]

Viungo vya nje[hariri | hariri chanzo]