Holili

Kutoka Wikipedia, kamusi elezo huru
Jump to navigation Jump to search

Holili ni kata ya Wilaya ya Rombo katika Mkoa wa Kilimanjaro, Tanzania. Wakati wa sensa iliyofanyika mwaka wa 2012, kata ilikuwa na wakazi wapatao 7,299 [1] walioishi humo.

Holili kwa upande wa mashariki inapakana na Taveta (Kenya), upande wa kaskazini inapakana na kata ya Mahida, kusini inapakana na wilaya ya Mwanga na upande wa magharibi inapakana na wilaya ya Moshi vijijini.

Wakazi wa asili wa Holili ni Warombo (Wakamba) na jina Holili linasemekana kutokana na neno la Kikamba "Ulili" ikiwa na maana ya "umbea" kwa Kiswahili.

Kilometa tatu kaskazini magharibi mwa mji mdogo wa Holili upo mlima unaoitwa "Manuo" ikiwa ni neno la Kikamba lenye maana ya "mawe ya kunolea" na pia unaitwa "maimbu" ikiwa ni jina la mtu aliyeishi hapo miaka ya zamani.

Holili ndiyo inayoongoza Tanzania kwa kuwa na rasilmali ya madini aina ya pozolana yanayotumika kutengenezea saruji.

Biashara kubwa humo ni ubadilishanaji wa bidhaa na nchi jirani ya Kenya, mchanga na matofali.

Pia ziko biashara ndogondogo za mama ntilie, vilabu vya pombe na vyumba vya kulala wageni, kilimo na ufugaji mdogomdogo.

Kuna ofisi za customs na vituo vya pamoja vya forodha vya jumuia ya Afrika Mashariki.

Marejeo[hariri | hariri chanzo]

Flag of Tanzania.svg Kata za Wilaya ya Rombo - Mkoa wa Kilimanjaro - Tanzania Flag of Tanzania.svg

Aleni | Holili | Katangara Mrere | Kelamfua Mokala | Keni Mengeni | Kirongo Samanga | Kirwa Keni | Kisale Msaranga | Kitirima Kingachi | Mahida | Makiidi | Mamsera | Manda | Marangu Kitowo | Mengwe | Motamburu Kitendeni | Mrao Keryo | Nanjala Reha | Ngoyoni | Olele | Shimbi | Tarakea Motamburu | Ubetu Kahe | Ushiri Ikuini

Flag-map of Tanzania.svg Makala hii kuhusu maeneo ya Mkoa wa Kilimanjaro bado ni mbegu.
Je unajua kitu kuhusu Holili kama historia yake, biashara, taasisi zilizopo, watu au utamaduni?
Labda unaona habari katika wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.


Isipokuwa usitaje majina ya viongozi waliopo sasa maana wanabadilika haraka mno.