Elgon (mlima)

Kutoka Wikipedia, kamusi elezo huru
(Elekezwa kutoka Mlima Elgon)
Jump to navigation Jump to search

.

Kilele cha Koitobos, Kenya.
Mlima Elgon (kushoto katikati) iko katika mpaka wa Uganda na Kenya, kaskazini mwa Kakamega, magharibi mwa Kitale.

Mlima Elgon ni volkeno iliyolala mpakani mwa Uganda na Kenya [1] kaskazini mwa Kisumu na magharibi mwa Kitale. Kasoko yake ina kipenyo cha kilomita nane.

Elgon ni mlima mkubwa wa pili nchini Kenya baada ya Mlima Kenya. Upande wa Uganda ni mlima mkubwa wa mashariki ya nchi lakini milima ya safu ya Ruwenzori ni mirefu kushinda Elgon.

Majina[hariri | hariri chanzo]

Jina la mlima limetokana na Waelgonyi walioishi upande wa kusini wa mlima. Wakati mwingine hujulikana kama Wasabaot, ambao wanaishi upande wa kusini wa mlima.

Ulijulikana pia kama "Ol Doinyo Ilgoon" (Mlima wa Matiti) kwa Wamaasai na kama "Masaba" upande wa Uganda.

Vilele[hariri | hariri chanzo]

Mlima Elgon unajumuisha vilele vikuu vitano:

  • Wagagai (mita 4,321), kikiwa nchini Uganda.
  • Sudek (mita 4,302 au futi 14,140) nchini Kenya
  • Koitobos (mita 4,222 au futi 13,248),kilele chenye madini aina ya basalt (Kenya)
  • Mubiyi (mita 4,211 au futi 13,816)
  • Masaba (mita 4,161 au 1futi 3,650)

Vipengele vya Mlima Elgon[hariri | hariri chanzo]

Ndiyo volkano kongwe na kubwa zaidi iliyo peke yake katika Afrika Mashariki, ikifunika eneo la takribani kilomita mraba 3500.

Vipengele vingine vya kuvutia ni:

Mchanga wa mlima huu ni maram mekundu. Mlima huo ni eneo la vyanzo vya mito kadhaa kama vile Mto Suam unaokuwa Mto Turkwel katika maeneo ya chini na humwaga katika Ziwa Turkana, Mto Nzoia na Lwakhakha ambayo hutiririka hadi Ziwa Viktoria. Mji wa Kitale uko chini ya mlima huu. Eneo lililo karibu na mlima huu limelindwa na mbuga mbili za Kitaifa: Mbuga ya Kitaifa ya Mlima Elgon, moja kila upande wa mpaka wa kimataifa.

Baadhi ya mimea adimu hupatikana kwenye mlima huu, ikiwa ni pamoja na Ardisiandra wettsteinii, Carduus afromontanus, Echinops hoehnelii, Ranunculus keniensis na Romulea keniensis.

Mnamo mwaka wa 1896, C.W. Hobley alikuwa Mzungu wa kwanza kuzunguka mlima huu. Kmunke na Stigler ndio wa kwanza kupanda hadi juu ya vilele vya Wagagai na Koitobos katika mwaka wa 1911 na kurekodiwa. F. Jackson, E. Gedge, na J. Martin ndio wa kwanza kupanda hadi juu ya kilele cha Sudek katika mwaka wa 1890 na kurekodiwa. Kilele kikuu ni rahisi kupanda na hakihitaji vifaa vyovyote vya kupanda milima.

Tanbihi[hariri | hariri chanzo]

  1. Uganda Wildlife Authority. www.uwa.or.ug. Iliwekwa mnamo 2008-03-16.

Marejeo[hariri | hariri chanzo]

  • Scott, Penny (1998). From Conflict to Collaboration: People and Forests at Mount Elgon, Uganda. IUCN. ISBN 2-8317-0385-9. 

Tazama pia[hariri | hariri chanzo]

Viungo vya nje[hariri | hariri chanzo]