Mason Finley

Mason Finley (alizaliwa Kansas City, Missouri, 7 Oktoba 1990) ni mrusha tufe na mrusha kisahani wa Marekani. Alikuwa kwenye timu ya riadha ya chuo kikuu Kansas kabla ya kuhamia Chuo Kikuu cha Wyoming. Alikuwa na vigezo kurusha kisahani kwenye olimpiki ya majira ya joto mwaka 2020.

Maisha ya ujana

Finley alisoma shule ya sekondari Buena Vista (ambako alicheza mpira wa kikapu na mpira wa miguu) huko Buena Vista, Colorado baada ya hapo alijiunga na chuo  kikuu Kansas kabla ya kuhamia chuo kikuu Wyoming.

Kwa umahiri wake akiwa shule ya sekondari,Finley alitajwa kwenye ESPN RISE kama  timu ya riadha kwa shule za sekondari kwa miongo yote miaka ya 2000. Pia alikuwa mwanariadha wa mwaka 2009 kwa shule za sekondari kwenye Track and Field News.

Kazi

Finley aliweka rekodi ya shule ya sekondari Colorado kwenye kurusha kisahani kwa kurusha kwa futi 236 na inchi 6(mita 72.09) katika High Altitude Challenge huko  Alamosa, Colorado.Pia alishinda medali ya dhahabu katika kurusha tufe na kurusha kisahani kwenye michuano ya  ya riadha ya vijana  Pan Amerika mwaka 2009 iliyofanyika bandari ya Hispania, Trinidad. Kama kijana akiwa Kansas alikuwa mmarekani pekee  kwenye kurusha tufe na kisahani. Urushaji wake mzuri ilikuwa mita 60.12(futi 197-3) kwenye kisahani na mita 20.68 (futi 67-10.25) kwenye tufe.

Mwaka 2017 Finley alishinda medali ya shaba kwenye tukio la  kurusha kisahani katika michuano ya dunia huko London, akirusha mita 68.03.Hii iliondoa ukame wa miaka 18 wa kutokuwa na mmarekani mwenye medali kwenye kurusha kisahani na ikawa mara ya kwanza  mmarekani kushika nafasi kwenye kurusha kisahani kwa wanaume tangu michuano ya dunia huko Sevilla, ambapo Anthony Washington alishinda medali ya dhahabu.

Alifuzu  kwa olimpiki ya majira ya joto mwaka 2020 akiwa nwa kwanza kwa vigezo kwa urushaji wa mita 63.07(futi 206.9).