Titan (Zohali)

Kutoka Wikipedia, kamusi elezo huru
Rukia: urambazaji, tafuta
Picha ya Titan iliyotumwa na Cassini-Huygens.

Titan (Gir.: Τῑτάν)[1] ni mmoja ya miezi ya sayari Zohali (Saturnus). Kipenyo chake kwenye ikweta ni kilomita 5,150 km[2][3][4] na inatembea kwenye mzingo mwenye umbali wa kilomita 1,221,865 km kutoka Zohali. [2] Titan ilitambuliwa mwaka 1655 na mwanaastronomia Christiaan Huygens kwa kutumia noja ya darubini za kwanza iliyoboreshwa. Titan ni mwezi mkubwa wa Zohali na mwezi mkubwa wa pili katika mfumo wa jua letu. Hata ni kubwa kuliko sayari Utaridi. Pamoja na dunia yetu ni mahali pa pekee penye angahewa nzito ya gesi. Lakini haifai kwa binadamu kwa sababu ni baridi sana na gesi zake ni nitrojeni pamoja na hidrokaboni kama methani. Pamoja na dunia yeti ni pia mahali pa pekee katika mfumo wa jua letu penye maziwa na mito lakini hii si ya maji bali na methani kiowevu.[5][6]

Muundo[hariri | hariri chanzo]

Titan (buluu) inazungukwa na ganda nene la gesi (njano). Kwa hiyo inaonekana kubwa zaidi jinsi ilivyo.

Zamani Titani ilikadiriwa kuwa mwezi mkubwa katika mfumo wa jua. Lakini safari ya Voyager I ilipita Titan mwaka 1979 na vipimo vya chombo cha angani vilionyeha ya kwamba uso wa Titan inafichwa chini ya angahewa nzito lenye unene wa kilomita 900 km. Kwa hiyo imejulikana ya kwamba Ganymedi mwezi wa Mshtarii ni mkubwa kiasi.

Ikiwa Titani ni kubwa kushinda Utaridi inajulikana ya kwamba masi yake ni ndogo. Kwa hiyo inaaminiwa ya kwamba mwili wake ni hasa barafu ya maji. Hata uso wa mwezi ni hasa barafu ya maji ambayo ni imara kama mwamba kutokana na baridi kali ya 180 usoni wake. Chini ya ganda imara hili kuna uwezekano wa kuwa na bahari ya maji.

Kiini cha Titan ni silikati na metali. [7] Graviti ya Titan ni ndogo; mtu anayeweza kuruka mita 1 juu ya udo wa dunia angeweza kuruka mita 7 juu ya uso wa Titan.

Mwendo[hariri | hariri chanzo]

Titan ina mzingo wa siku 15 na masaa 22 ikizunguka sayari yake Zohali mara moja. Muda huu unalingana na mzuguko wa Zohali kwenye mhimili wake au muda wa siku 1 ya Zohali.

Mzingo wa Titan unafanana na duara ingawa si duara kamili.

Kigezo:Gallery

Cassini-Huygens[hariri | hariri chanzo]

Cassini ikizunguka juu ya orbiting Saturn.

1 Julai 2004 chombo cha angani Cassini–Huygens iliingia katika mzingo wake kuzunguka Zohali. Sehemu ya Huygens iliachana na Cassini na kufika usoni wa Titan 14 Januari 2005 ambako iliweza kutuma data kwa dakika 72. Data hizi zilihusu hasa angahewa ya mwezi huu na kuwepo kwa viowevu. Cassini inaendelea kuzunguka Tita na Tohali pamoja na miezi mingine ya Zohali. [8] Cassini ilithebisha kuwepo kwa maziwa makubwa ya hidrokaboni karibu na ncha ya kaskazini. [9] Ziwa kubwa lenye eneo kama Bahari ya Kaspi duniani ilipewa jina la Kraken Mare.[10]

Kurasa nyingine[hariri | hariri chanzo]

Soma[hariri | hariri chanzo]

  • Lorenz, Ralph; Jacqueline Mitton (Mei 2002). Lifting Titan's Veil: Exploring the Giant Moon of Saturn. Cambridge University Press. ISBN 0-521-79348-3. 

Marejeo[hariri | hariri chanzo]

  1. (2002) Pocket Oxford Classical Greek Dictionary. Oxford University Press, 365. ISBN 9780198605126. 
  2. 2.0 2.1 Harvey, Samantha (2011-03-04). NASA: Solar System Exploration: Planets: Saturn: Moons: Titan. NASA. Iliwekwa mnamo 2011-03-13.
  3. (2010) Wonders of the Solar System. HarperCollins, 94-95. ISBN 9780007386901. 
  4. (2010) How it Works Book of Space. Imagine Publishing, 63. ISBN 9781906078829. 
  5. The lakes of Titan. Nature. Retrieved on 2011-03-13.
  6. Cox, Brian. BBC: Science: Space: Solar System: Moons: Titan: Methane rain on Titan (Video). BBC. Iliwekwa mnamo 2011-03-13.
  7. G. Tobie, O. Grasset, J. I. Lunine, A. Mocquet, C. Sotin (2005). "Titan's internal structure inferred from a coupled thermal-orbital model". Icarus 175 (2): 496–502. doi:10.1016/j.icarus.2004.12.007. [1].
  8. Pence, Michael (9 Machi 2006). NASA's Cassini Discovers Potential Liquid Water on Enceladus. NASA Jet Propulsion Laboratory. Retrieved on 8 Julai 2007.
  9. Rincon, Paul (2007-03-14). Probe reveals seas on Saturn moon. BBC. Iliwekwa mnamo 2007-07-12.
  10. NASA reveals first-ever photo of liquid on another world. CNN (18 Desemba 2009). Iliwekwa mnamo 2009-12-20.