Ukanda wa Kuiper

Kutoka Wikipedia, kamusi elezo huru
Rukia: urambazaji, tafuta
Ugawaji wa magimba ya ukanda wa Kuiper (nukta kijani)

Ukanda wa Kuiper ni eneo la mfumo wa jua letu nje ya obiti ya sayari Neptuni lililopo kwenye umbali wa vizio astronomia) kati ya 30 - 50 kutoka jua.

Ukanda huu una umbo la wingu wa mviringo wa magimba ya angani; mengi yao ni madogo machache makubwa kwa hiyo ukubwa kati ya vumbi, mawe hadi sayari kibete,

Ukanda wa Kuiper hufanana na ukanda wa asteroidi ulipo kati ya obiti za Mirihi (Mars) na Mshtarii (Jupiter) lakini nu kubwa zaidi. Upana wake ni mara 20 na unene wake mara 20-200.

Magimba ndani yake ni hasa aina mbalimbali za barafu kutokana na elementi zilizoonekana kama gesi katika mazingira ya dunia kama vile methani, amoni au maji. Wataalamu wanaamini leo ya kwamba chanzo cha magimba hasa ni mchakato wa kutokea kwa mfumo wa jua letu na kuzaliwa kwa sayari. Katika maeneo ya ndani ya mfumo wa jua mata ilijikusanya kutokana na graviti kuwa ama jua lenyewe au sayari. Hapa nje masi za magimba haizikutosha kuyavuta magimba mengine ili sayari kubwa itokee. Hata hivyo kuna sayari kibete 3 zilizogunduliwa hadi sasa katika ukanda wa Kuiper ambazo ni Pluto, Haumea na Makemake.

Kuna pia nadharia ya kwamba miezi kadhaa katika mfumo wa jua letu ina asili yao katika ukanda wa Kuiper. Mifano ni Triton ya Neptuni na Phoebe ya Sumbula.Miezi hii inaaminiwa ilijijenga katika ukanda wa Kuiper lakini ilivutwa ndaniy a mfumo wa jua na kukamtwa na graviti ya sayari hizi.

Ukanda wa Kuiper uligunduliwa mwaka 1992 lakini iliwahi kutabiriwa na wataalamu mbalimbali pamoja na Mholanzi Kuiper. Hadi sasa kuna magimba mnamo ya 1,000 yaliyogunduliwa kwa uhakika lakini inaaminiwa ya kwamba jumla ya magimba unaweza kufikia idadi ya malakhi au mamilioni.

Mfumo wa jua na sayari zake
Jua - Utaridi - Zuhura - Dunia (Mwezi) - Mirihi - Mshtarii - Zohali - Uranus - Neptun
Sun - Mercury - Venus - Earth (Moon) - Mars - Jupiter - Saturn - Uranus - Neptune