Nicolaus Copernicus

Kutoka Wikipedia, kamusi elezo huru
Rukia: urambazaji, tafuta
Taswira ya Nicolaus Copernicus (mwanzo wa karne ya 16).

Nicolaus Copernicus (kwa Kijerumani Nikolas Koppernigk,kwa Kipolandi: Mikołaj Kopernik; 19 Februari 147324 Mei 1543) alikuwa mtaalamu wa fani mbalimbali.

Ni maarufu hasa kwa kuwa ndiye aliyeeleza muundo wa ulimwengu kwa kusema dunia inazunguka jua, kinyume cha fundisho lilotawala awali kuwa jua linazunguka dunia. Ndiyo yanayoitwa "Mapinduzi ya Kikoperniki" ambayo ni ya msingi kwa ustawi wa sayansi ya kisasa.

Maisha[hariri | hariri chanzo]

Alizaliwa Toruń, mji wa Hansa huko Poland, katika familia yenye damu ya Kijerumani.

Alisoma teolojia, sheria na tiba huko Poland na Italia, akawa |padri wa Kanisa kuu la Frauenburg-Fromburg, ambapo alifariki mwaka 1543 akazikwa chini ya sakafu yake.

Mchango mkubwa alioutoa na tathmini yake[hariri | hariri chanzo]

Kidogo tu kabla hajafa alitoa kitabu chake "De revolutionibus orbium coelestium" (kuhusu mizunguko ya magimba ya angani), ambacho kina mafundisho makuu ya sayansi ya nyota ya siku zile, kama vile mpangilio wa sayari zinzounguka jua na mzunguko wa dunia kwenye mhimili wake kila siku.

Hata hivyo mafundisho yake yalikuwa na kasoro zilizojulikana baadaye kwa maendeleo ya utafiti: k.mf. alidhani njia za sayari kuzunguka jua zina umbo la duara kabisa. Pia alifikiri ya kwamba jua liko kwenye kitovu cha ulimwengu.

Mafundisho yake yaliathiri wanasayansi wengine kama Galileo Galilei na Kepler, ambao waliyathibitisha na kuyaboresha.

Viungo vya Nje[hariri | hariri chanzo]

Kuhusu De Revolutionibus
Urithi wake
Ushirikiano wa Poland na Ujerumani kuhusu Copernicus
Scientist.svg Makala hii kuhusu mwanasayansi fulani bado ni mbegu.
Je, unajua kitu kuhusu Nicolaus Copernicus kama wasifu wake, habari za maisha au kazi yake?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.