Simba wa Yuda

Simba wa Yuda juu ya kanzu ya silaha za Yerusalemu

Simba wa Yuda (kutoka Kiebrania אריה יהודה, Aryeh Yehuda) ni ishara ya kiutamaduni katika Uyahudi, hasa la kabila la Yuda.

Simba wa Yuda na Uyahudi

Katika Uyahudi, jina la Yuda (kwa Kiyahudi: Yehuda), mwana wa Yakobo, ni asili ya kabila la Yuda - lililoashiriwa kijadi na alama ya simba. Ni kwamba katika kitabu cha Mwanzo, Yakobo-Israeli anamwashiria mwana wake Yuda kama Gur Aryeh גּוּר אַרְיֵה יְהוּדָה, yaani "mwana simba" (Mwanzo 49:9) alipokuwa akimbariki

Simba wa Yuda katika Ukristo

Katika Ukristo, Simba wa Yuda alikuwa Yesu. Jina hilo limo katika Agano Jipya, kitabu cha Ufunuo 5:5: "Na mmoja wa wale wazee akaniambia, 'Usilie: tazama, Simba wa kabila la Yuda, mjukuu maarufu wa Daudi, amefungua kitabu, na amefungulia mihuri yake saba'." Kwa sababu hiyo pia mashirika ya Kikristo hutumia jina Simba wa Yuda kama alama au hata jina lao.

Simba wa Yuda nchini Ethiopia

Bendera ya Ethiopia yenye Simba wa Yuda.

Mila ya Ethiopia, iliyofafanuliwa katika maandiko ya karne ya 13, "Kebre Negest", inadai kuwa Waisraeli kadhaa waliongozana na Malkia wa Sheba aliporejea kutoka kumzuru Mfalme Sulemani huko Yerusalemu, akiwa na mimba ya mwanzilishi wa nasaba, Menelik I, aliyoipata kwa Solomoni. Wote Wakristo na Wayahudi wa Ethiopia wanakubaliana kuwa wahamiaji hao walikuwa hasa wa makabila ya Dan na Yuda; hivyo kaulimbiu ya Ge'ez Mo `a 'Anbessa Ze'imnegede Yihuda ("Simba wa kabila la Yuda ameshinda"), pamoja na majina ya Kaisari (Mfalme wa Wafalme) katika Nasaba ya Solomoni.

Alama ya Simba wa Yuda ni maarufu katika bendera, sarafu, n.k. na bado inaonekana kote kama ishara ya kitaifa. Baada ya kuanguka kwa Ukomunisti wa Derg mwaka wa 1990 na ongezeko la athari za Magharibi, kikundi cha kisiasa kwa jina Mo'a Anbessa kiliweza kujitokeza.

Simba wa Yuda katika Rastafari

Katika Rastafari, "Simba wa Yuda" huwakilisha Mfalme Haile Selassie I wa Ethiopia, aliyepokea taji tarehe 2 Novemba 1930 amoja na vyeo kama Mfalme wa Wafalme, Bwana wa Mabwana, na Simba wa kabila la Yuda, Mteule wa Mungu na Nguvu ya Utatu. Warasta huchukulia kwamba Selassie ni mjukuu wa Israeli na kabila la Yuda kupitia Mfalme Daudi na mwanae Suleiman, na kwamba yeye pia ni Simba wa Yuda aliyetajwa katika Kitabu cha Ufunuo.

Maana nyingine

• Simba wa Yuda ni wimbo katika albamu ya Prince ya Sayari Dunia
• Mwimbaji kutoka Sweden Robyn pia anajulikana kama "Simba wa Yuda" katika mwanzo wa albamu aliyoipa jina lake
• Jina la albamu ya kwanza ya Bendi ya nyimbo aina ya metal, Woe of Tyrants' ni "Tazama Simba" (Rekodi za Mahakama , Juni 2007).

Viungo vya nje

• Simba katika sanaa ya Wayahudi
• Jewish Heraldry