Msawazo

Kutoka Wikipedia, kamusi elezo huru
Jump to navigation Jump to search

Msawazo ni hali ya usawa (ulinganisho, urari) kati ya athira au kani zinazopingana. Kama athira zinasawazika kuna hali ya msawazo.

Mifano ya fizikia[hariri | hariri chanzo]

Katika umakanika (fizikia) msawazo ni hali ambapo kani tofauti zinasawazika, kwa mfano kwenye wenzo kama zao la kani na urefu wa mkono kani ni sawa na zao la mzigo na urefu wa mkono mzigo.

Katika uchumi kuna msawazo kama kiasi cha bidhaa sokoni kinalingana na mahitaji ya wateja.

Samaki wanaweza kufika katika hali ya msawazo kwa kushika kiasi cha hewa ndani ya miili yao kinachosababisha kiwango cha ueleaji sawa na nguvu ya graviti inayowavuta chini. Kimsingi nyambizi (sabmarini) inatumia mtindo huohuo kwa njia ya hewa katika tangi yake.

Astronomia; Watroia kwenye nukta msawazo[hariri | hariri chanzo]

Nukta msawazo zinazoweza kutokea (Langrangian points L1 - L5)

Katika astronomia kuna nukta msawazo kwenye obiti ya sayari; sayari inayozunguka Jua (au nyota nyingine) kwa kawaida hufyeka obiti yake kwa kukusanya magimba madogo yanayovutwa na graviti yake. Lakini katika uhusiano wa kani za Jua na kani ya sayari kuna sehemu kwenye obiti yake ambako kani hizo zinabatilishana na kwenye sehemu hizo asteroidi zinaweza kubaki zinazozunguka Jua kwa kutumia njia ya obiti ya sayari. Hizi nukta msawazo (ing. Langrangian points) ziko kwa umbali wa pembe 60° pande zote mbili za sayari na pia 180° kinyume chake. Jambo hilo lilitambuliwa mara ya kwanza kwenye obiti ya sayari Mshtarii (Jupiter) yenye makundi mawili ya asteroidi yanayoitwa "Watroia" zilizopo kwenye obiti yake kwa nukta msawazo.

Disambig.svg
Ukurasa huu una maelezo ya maana ili kutofautisha nia mbalimbali zinazolengwa na neno moja. Kwa usaidizi kuhusu makala za aina hii tazama Msaada:Maana

Maelezo katika ukurasa huu yawe mafupi, na kwa kila maana kuwe na kiungo kimoja tu ambacho kiunge ukurasa kuhusu nia yenye maana hii. Ukiwa umefika hapa kwa kutumia kiungo katika makala nyingine, tafadhali badalisha kiungo kile kiunge makala iliyokusudiwa moja kwa moja.