Makaa ya mawe nchini Tanzania

Kutoka Wikipedia, kamusi elezo huru

Makaa ya mawe nchini Tanzania yanapatikana hasa kwenye kusini ya nchi. Akiba za makaa ya mawe hukadiriwa kuwa mnamo tani bilioni 1.5 ikiaminika kuwa na akiba kubwa zaidi ya makaa ya mawe katika Afrika Mashariki . [1] Mwaka 2015 Tanzania ilizalisha zaidi ya tani 250,000 za makaa ya mawe na asilimia 94 ya makaa hayo yalitumiwa nchini. [2]

Jiolojia[hariri | hariri chanzo]

Usambazaji wa miamba ya Karoo Supergroup na maeneo penye makaa ya mawe kusini mwa Tanzania

Sehemu kubwa ya akiba za makaa ya mawe nchini Tanzania zipo kwenye ukanda wa miamba ya Karoo ya Songea kwenye kusini mwa Tanzania. Makaa ya mawe yametambuliwa katika mikoa mitatu za Rukwa, Mbeya na Njombe . [3]

Nchi ina akiba ya makaa ya mawe ya takriban tani 1.9bn ilhali tani bilioni 0.4 zilithibitishwa. Kutokana na uchunguzi wa kijiolojia wa hivi majuzi, serikali inaamini kuwa kuna uwezekano wa tani bilioni 5 za akiba zinazoweze kupatikana. [4]

Akiba kubwa zaidi imetambuliwa huko Mchuchuma katika Wilaya ya Ludewa penye zaidi ya tani milioni 400. [5]

Migodi hai[hariri | hariri chanzo]

Hivi sasa kuna migodi miwili midogo ambako makaa ya mawe huchimbwa.

Mgodi wa Makaa ya Mawe wa Kiwira[hariri | hariri chanzo]

Mgodi wa makaa ya mawe wa Kiwira ni mgodi mdogo wa makaa ya mawe unaofanya kazi katika mkoa mpya wa Songwe wenye uwezo wa kuweka tani 150,000 kwa mwaka. [6] Kampuni ya Kiwira Coal & Power inamiliki leseni ya kuchimba madini huko Ivogo Ridge. Kampuni hiyo inamilikiwa kabisa na Shirika la Madini la Serikali ambalo linamilikiwa kwa asilimia 100 na Serikali ya Tanzania .

Mgodi wa Makaa ya Mawe wa Ngaka[hariri | hariri chanzo]

Mgodi wa makaa ya mawe wa Ngaka uko kwenye mkoa wa Ruvuma. Unaendeshwa na kampuni ya Tancoal Energy ambayo ni ubia kati ya Intra Energy Tanzania Limited na Shirika la Maendeleo la Taifa (NDC) linalomilikiwa na serikali. Mgodi huo wa Ngaka kwa sasa ndio mgodi mkubwa zaidi unaofanya kazi nchini ukiuza zaidi ya tani 250,000 za makaa ya mawe ambayo hayajaoshwa kila mwaka. Kuna ripoti kuhusu athari za kiafya za uchimbaji wa makaa ya mawe kwa wakazi jirani katika Kata ya Ruanda. [7]

Biasharanje.[hariri | hariri chanzo]

Tanzania imeuza makaa ya mawe kwa nchi mbalimbali zikiwemo China, Kenya, Uholanzi, Uhindi, Senegal, Misri, Ulaya, Amsterdam, Ghana na Ivory Coast . [8]

Marejeo[hariri | hariri chanzo]

  1. ↑ "Tanzania has 5 billion t of coal reserves", 2013-07-09. 
  2. ↑ "TMAA annual report 2015". Tanzania Minerals Audit Agency. Ilihifadhi kwenye nyaraka kutoka chanzo mnamo 23 December 2016. Iliwekwa mnamo 21 January 2017.  Check date values in: |archivedate=, |accessdate= (help)
  3. ↑ "Edenville Energy PLC - Energy Development In Africa". www.edenville-energy.com. Ilihifadhi kwenye nyaraka kutoka chanzo mnamo 2014-06-18. Iliwekwa mnamo 2017-01-21. 
  4. ↑ "Coal - TanzaniaInvest". TanzaniaInvest (kwa en-US). Iliwekwa mnamo 2017-01-21. 
  5. ↑ "An Eye Opener Week-long Visit to South Tanzania 1500MW Electricity Complex". Zitto na Demokrasia. 2011-03-14. Iliwekwa mnamo 2017-01-21. 
  6. ↑ "Mining Projects". www.stamico.co.tz (kwa en-US). Ilihifadhi kwenye nyaraka kutoka chanzo mnamo 2017-02-02. Iliwekwa mnamo 2017-01-21. 
  7. ↑ "Effects of Coal mining to residents surrounding Ngaka mining in Ruvuma". Ilihifadhi kwenye nyaraka kutoka chanzo mnamo 2021-06-18. Iliwekwa mnamo 2023-04-06. 
  8. ↑ "Tanzania starts exporting coal to European markets". The Citizen. May 3, 2022.  Check date values in: |date= (help)

Viungo vya nje[hariri | hariri chanzo]

Rudishwa kutoka "https://sw.wikipedia.org/w/index.php?title=Makaa_ya_mawe_nchini_Tanzania&oldid=1279867"