Gervas Kasiga

Gervas Kasiga
Amezaliwa	Gervas Andrew Kasiga
Utaifa	Mtanzania
Mhitimu	B.A Fine and Performing Arts & M.A Kiswahili Literature, PhD in Kiswahili Literature
Kazi yake	Mwigizaji, Mwandishi wa Miswada ya Filamu, Mwongozaji wa Filamu, Mhadhiri Mwandamizi wa Filamu na Fasihi
Miaka ya kazi	1999-hadi sasa

Gervas A. Kasiga (anafahamika zaidi kama Chuma au Junior; alizaliwa 4 Februari 1982) ni mwigizaji wa filamu, mwandishi wa miswada ya filamu, mshairi, mwongozaji wa filamu na mhadhiri mwandamizi wa chuo kikuu kutoka nchini Tanzania.

Anafahamika kwa kuongoza filamu maarufu ya "Fake Pastors (2007)" na kuongoza uchaguzi wa waigizaji wa filamu ya Bongoland II.

Ameandika miswada kadhaa ya Michezo ya Kuigiza ya Runinga (Tamthilia) kama vile "Gharika" na "Dira", miswada ya filamu maarufu za Unfortunate Love, Ripple of Tears, Village Pastor, Wende na nyinginezo.

Mwaka 2011 filamu yake fupi ya Wende ilichaguliwa kuoneshwa katika Tamasha la Sita la Filamu la Kimataifa la Kenya (KIFF). Vilevile amepata kuwa balozi wa Tamasha la Filamu la Kimataifa la Zanzibar (ZIFF) akiwakilisha wanafilamu wa ki-Tanzania.

Kasiga ameshafanya kazi mbalimbali za kisanaa na mashirika kama AMREF, PATHFINDER, THE NATURE AND CONSERVANCY, The International Theatre and Literacy Project (ITLP), CRDB - TANZANIA, College of Mathematics and Natural Science - University of Dodoma, Vocation Training Centre of Tanzania (VETA), Regina University - Canada na mengine mengi. Ameshaendesha mafunzo mbalimbali ya uigizaji, uandishi wa miswada ya filamu, uchukuaji picha za video pamoja uongozaji katika mikoa ya Mwanza, Kigoma, Dodoma na Dar es salaam. Mafunzo hayo amekuwa akiyafanya aidha kupitia taasisi yake ya Dodoma Arts Center (DAC) au kupitia kampuni yake ya Bona Fide Films ama kwa kushirikiana na mashirika ya ndani na ya kimataifa.

Msanii huyu pia ni Mhadhiri Mwandamizi wa masomo ya Fasihi na Filamu kutoka Chuo Kikuu cha Dodoma - Tanzania. Vilevile ni Mjumbe wa Bodi ya Baraza la Sanaa la Taifa (BASATA) nchini Tanzania.

Halikadhalika ni mwanablogu, anaendesha blogu ya Sebuleni. Gervas Kasiga katika seti ya Bongoland II

Filmografia

Na.	Jina	Mwaka	Maelezo
1	Radi	2003	Tamthiliya—Mwigizaji (imetayarishwa na ITV).
2	Jahazi	2003	Tamthiliya—Mwigizaji (imetayarishwa na ITV).
3	Dira	2004	Tamthiliya—Mwigizaji & Mwandishi Muswada (imetayarishwa na ITV).
4	Sayari	2004	Tamthiliya—Mwigizaji (imetayarishwa na ITV).
5	Falcon Death	2005	Mwongozaji msaidizi. Imetayarishwa na Profesa Daniel kutoka Chuo Kikuu West Virginia.
6	Gharika	2005	Tamthiliya—Mwigizaji & Mwandishi Muswada (imetayarishwa na ITV).
7	Fake Pastors	2007	Mwandishi Muswada & Mwongozaji
8	Unfortunate Love	2008	Mwandishi Muswada
9	Igizo la Uchaguzi	2010	Imetayarishwa na Kuongozwa na hayati Edwin Semzaba
10	Wende	2011	Filamu fupi (Matayarishaji na Mwongozaji).
11	Distress in Zanzibar	2013	Mwandishi na Mwongozaji
12	Jukwaa Langu	2015	Mfululizo wa mahojiano kuhusu Uchaguzi Mkuu wa Tanzania 2015
13	Soma Sasa	2016	Mpiga Picha Jongevu na Mwongozaji
14	Marita	2017	Filamu fupi (Matayarishaji na Mwongozaji).
15	Tuungane Drama Training Session	2017	Mwongozaji
16	Simulizi za Mjomba	2019	Mwandishi Muswada

Mashairi

Na.	Jina	Mwaka	Maelezo
1	Mama Afrika	2021	Pongezi kwa Rais Samia Suluhu Hassan
2	Pambazuko Toshelevu	2021	Kumbukizi ya hayati John Magufuli