Tarzan (filamu ya 1999)

Tarzan
Nembo ya filamu
Imeongozwa na	Kevin Lima Chris Buck
Imetayarishwa na	Bonnie Arnold
Imetungwa na	Tab Murphy Bob Tzudiker Noni White
Nyota	Tony Goldwyn Minnie Driver Glenn Close Alex D. Linz Rosie O'Donnell Brian Blessed Nigel Hawthorne Lance Henriksen Wayne Knight
Muziki na	Mark Mancina
Imesambazwa na	Buena Vista Pictures Distribution
Imetolewa tar.	16 Juni 1999
Ina muda wa dk.	Dakika 88
Nchi	Marekani
Lugha	Kiingereza
Bajeti ya filamu	dolamilioni 130
Mapato yote ya filamu	dola milioni 448.2
Ilitanguliwa na	Mulan
Ikafuatiwa na	Fantasia 2000

Tarzan ni filamu ya katuni ya mwaka 1999 iliyodhaminiwa na Walt Disney kwa ajili ya Walt Disney Pictures. Inahusu historia ya Tarzan of the Apes iliyotolewa na Edgar Rice Burroughs. Hii ni filamu ya 37 kutolewa katika mfululizo wa filamu za Walt Disney Animated Classics.

Muhtasari wa hadithi

Filamu hii inahusu mtoto mdogo aliyelelewa na kundi la sokwe walio msituni baada ya mtoto wao wa halisi kuliwa na chui. Katika katuni hii mtoto huyu anarithishwa jina la Tarzan. Tarzan amekuwa akiishi vizuri na wanyama wengine wote bila ya kujua kuwa baba yake bandia ambaye ni sokwe alimchukia kwa sababu ya kuwa Tarzan siyo mtoto wake wa halisi. Madhumuni makuu ya filamu hii yanaanza ambapo Tarzan anakutana na msichana anayetokea mjini pamoja na baba yake na mlinzi wao. Baada ya Tarzan kukutana na binti huyo ndipo anapoanza kujifunza zaidi maisha ya mjini. Hapa ndipo Tarzan ana gundua ya kwamba yeye si kizazi cha sokwe bali ni kizazi cha binadamu. Lakini baadaye wanakuja kugundua ya kwamba mlinzi wa yule binti ana njama za kuteka wanyama wa msituni pamoja na kumteka Tarzan pia. Lakini Tarzan anajaribu kila anachokiweza na kwa ushirikiano wa binti yule na baba yake pamoja na wanyama wengine Tarzan anafanikiwa kumshinda yule mlinzi na kuhakikisha usalama wa wanyama wote wa msituni.