Nyoka-miviringo

Nyoka-miviringo
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Nusufaila: Vertebrata (Wanyama wenye uti wa mgongo) Ngeli: Reptilia (Wanyama wenye damu baridi na magamba ngozini) Oda: Squamata (Mijusi, mijusi-nyungunyungu na nyoka) Nusuoda: Serpentes (Nyoka) Familia: Elapidae (Nyoka walio na mnasaba na fira) F. Boie, 1827 Nusufamilia: Elapinae (Nyoka wanaofanana na fira) Jenasi: Elapsoidea
Ngazi za chini
Spishi 10: E. boulengeri Boettger, 1895 E. broadleyi Jakobsen, 1997 E. chelazziorum Lanza, 1979 E. guentherii Bocage, 1866 E. laticincta (Werner, 1919) E. loveridgei Parker, 1949 E. nigra Günther, 1888 E. semiannulata Bocage, 1882 E. sundevallii Smith, 1848 E. tralei Mané, 1999

Nyoka-miviringo ni nyoka wenye sumu wa jenasi Elapsoidea katika familia Elapidae. Wamepewa jina hili kwa sababu mwili wao una miviringo mingi, ule wa wachanga hasa.

Nyoka hawa sio warefu sana, sm 80 kwa kipeo. Kichwa ni kifupi na mkia ni mfupi. Wachanga wana miviringo myeupe, kijivu, njano, machungwa au myekundu juu ya rangi msingi ya nyeusi au kahawia. Wakikomaa miviringo inakuwa myeusi zaidi mpaka inapotea kabisa au miviringo myembamba inabaki. Nyoka-miviringo mashariki tu anabakiza miviringo yake.

Nyoka-miviringo hujificha mchana katika vishimo au chini ya majani makavu. Usiku huwinda wakichimba au kuingia vishimo vya wanyama. Hula nyoka wengine, mijusi, nyoka wanafiki, vyura na mayai ya hawa wote.

Sumu ya nyoka-miviringo si kali sana na juu ya hayo hawang'ati kwa kawaida. Kwa hivyo wanaweza kushikwa bila hatari sana. Hata ikiwa mtu anaingizwa na sumu, anapata tu uvimbe wa eneo na kusikia maumivu na kichefuchefu. Dalili hizi zinapotea katika siku 4.

Spishi

• Elapsoidea boulengeri, Nyoka-miviringo wa Boulenger (Boulenger's garter snake)
• Elapsoidea broadley, Nyoka-miviringo wa Broadley (Broadley's garter snake)
• Elapsoidea chelazziorum, Nyoka-miviringo Somali (Somali garter snake)
• Elapsoidea guentherii, Nyoka-miviringo wa Günther (Günther's garter snake)
• Elapsoidea laticincta, Nyoka-miviringo wa Afrika ya Kati (Central African garter snake)
• Elapsoidea loveridgei, Nyoka-miviringo Mashariki (East African garter snake)
• Elapsoidea nigra, Nyoka-miviringo wa Usambara (Usambara garter snake)
• Elapsoidea semiannulata, Nyoka-miviringo wa Afrika (Angolan garter snake)
• Elapsoidea sundevallii
  • Elapsoidea s. decosteri, Nyoka-miviringo wa De Coster (De Coster's garter snake)
  • Elapsoidea s. fitzsimonsi, Nyoka-miviringo wa Kalahari (Kalahari garter snake)
  • Elapsoidea s. longicauda, Nyoka-miviringo Mkia-mrefu (Long-tailed garter snake)
  • Elapsoidea s. media, Nyoka-miviringo Kusi (Highveld garter snake)
  • Elapsoidea s. sundevallii, Nyoka-miviringo wa Sundevall (Sundevall's garter snake)
• Elapsoidea trapei, Nyoka-miviringo wa Senegali (Senegal garter snake)

Marejeo

• Spawls, S., Howell, K., Drewes, R. & Ashe, J. (2002) A field guide to the Reptiles of East Africa. Academic Press, San Diego, CA, USA.

Viungo vya nje

• Hazinadata ya watambaachi

Makala hii kuhusu mnyama fulani bado ni mbegu. Je, unajua kitu kuhusu Nyoka-miviringo kama uainishaji wake wa kibiolojia, maisha au uenezi wake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.