KUFINA

Kutoka Wikipedia, kamusi elezo huru
Jump to navigation Jump to search
Picha ya KUFINA.

Katika utarakilishi, Kumbukizi Fikio Nasibu (kifupi: KUFINA; kwa Kiingereza: RAM yaani Random Access Memory) ni kifaa cha tarakilishi ambapo mfumo wa uendeshaji unatunza data za programu inayotumika sasa ili data zifike haraka. KUFINA ni aina ya kumbukizi kwenye mashine.

Hapa programu za kompyuta zina nafasi za kupakua data za kazi zake kwa muda. Programu za kisasa zinahitaji nafasi kubwa ya kuhifadhi makadirio kwa muda fulani zikiendelea kukamilisha shughuli. Kadi za KUFINA zinatoa nafasi kupakua data mahali popote bila kujali mpangilio kwanza. Hii huharakisha kazi ya programu.

Sehemu ya KUFINA inaweza kuwa kwenye bao kuu lakini kwa kawaida hupatikana kwa kadi ndogo zinazowekwa kwenye bao kuu. Mara nyingi mashine za kompyuta huwa na nafasi ya kuongeza KUFINA au kubadilisha kadi zake kwa kadi yenye nafasi ya kumbukumbu kubwa zaidi. Kumbukumbu kubwa huwezesha kompyuta kutekeleza shughuli zake haraka zaidi.

Kila safari mashine ikizimika kumbukizi yote ya KUFINA inapotea.

RAM isichanganywe na KUSOTU ambayo ni aina tofauti ya kumbukizi isiyopotea.

Marejeo[hariri | hariri chanzo]

  • Kiputiputi, O. (2011). Kamusi sanifu ya kompyuta. Taasisi ya Taaluma za Kiswahili, Chuo Kikuu cha Dar es Salaam, K.602.