Ignasi wa Konstantinopoli

Picha takatifu ya Mt. Ignasi katika ukuta wa Hagia Sofia, Istanbul.

Ignasi wa Konstantinopoli (Konstantinopoli, leo nchini Uturuki, 798 hivi – Konstantinopoli, 23 Oktoba 877) alikuwa Patriarki wa Konstantinopoli miaka 847-858 halafu 867-877.

Kisha kuchafuliwa sana jina lake na kaisari Barda, ambaye alikuwa amemlaumu kwa kumtaliki mke wake, alipelekwa uhamishoni, lakini Papa Nikola I akamrudisha hata akaweza kufariki madarakani kwa amani.

Farakano la muda kati ya Kanisa la Roma na lile la Konstantinopoli, lililotokea katikati (miaka 863-867) kuhusu upatriarki wake na ule wa mshindani wake, Fosyo, lilikuwa baya kuliko yote kabla ya farakano la mwaka 1054 ambalo limedumu hadi leo kati ya Ukristo wa Magharibi na Waorthodoksi.

Tangu kale anaheshimiwa na Wakatoliki na Waorthodoksi kama mtakatifu; ajabu zaidi ni kwamba alitangazwa rasmi na Fosyo mwenyewe mwaka 878.

Sikukuu yake huadhimishwa katika tarehe ya kifo chake.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko

Vyanzo

• Dvornik, Francis (1948). The Photian Schism: History and Legend. Cambridge, UK: Cambridge University Press.
• Ostrogorsky, George (1956). History of the Byzantine State. Oxford: Basil Blackwell.
• The Oxford Dictionary of Byzantium, Oxford University Press, 1991.

Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.