Vurugu vya kina (Vitisho)

Vurugu kina hurejelea onyesho la vitendo dhahiri, katili na halisi vya vurugu katika uwasilishaji, kama vile filamu, televisheni, na michezo video . Huenda ikawa halisi, uigizaji wa uhailsia, au iliyohuishwa .

Kwa kusudi ya kutazamwa na hadhira komaa, hali ya uwazi, pasi na haya huzingatiwa.

Vipengele

Maneno yafuatayo huhusishwa na vurugu vya kina.

Udamu

Ufafanuzi wa udamu ni taswira inayoonyesha damu au jeraha la kuogofya. Kwenye mtandao, neno hili hutumika kama ujumla wa picha zote halisi ya kudhulumiwa kwa mwili, kama vile ukeketaji, ajali za kazini na ukatili kwa wanyama . Wakati mwingine neno "udamu tibabu" hutumiwa kurejelea picha halisi za upasuaji.

Neno hili mara nyingi huchukuliwa kuwa kisawe cha "vurugu vya kina", lakini baadhi ya watu au mashirika hutofautisha kati ya maneno haya. Mfano mmoja ni Adobe Inc., ambayo hutenganisha maneno haya kwa huduma yake ya uchapishaji. Mfano mwingine ni tovuti habari maalum The Verge . Inatenganisha maneno haya wakati wa kuripoti kufungwa kwa LiveLeak, tovuti ambayo ilitumiwa kupangisha video za kutisha kabla ya kufungwa.

Kueneza video za kidamu ni kinyume cha sheria.

Udhalimu wa watoto

Udhalimu huu huhusisha ponografia kithiri ya watoto, unaowadhalilisha, kuwaathiri kimwili na kuwaua kwa mbinu inayohusisha unyanyasaji wa kingono kwa watoto .

Picha za kina na filamu halisia

Baadhi ya filamu halisia au picha halisi ni za kutisha. Mifano ni kama katika vita na uhalifu. Tofauti na udamu, kushiriki taswira na kanda halisia ni halali, ingawa uchapishaji na uenezi wa picha hizi husababisha mijadala na malalamiko.

Mfano wa mchoro unaowasilisha udamu

Vitisho hujumuisha taswira zozote ya waziwazi kama vile mauaji, matumizi ya silaha, kifo kutokana na ajali au majeraha mabaya, kujiua na udhalimu . Ktika hali zote, ni uwazi huu unaosababisha vurugu hii iwe ya kina. Katika taswira buni, njama tofauti hujumuishwa ili kuongeza hisia za uhalisia (yaani damu leba , silaha bandia, picha bandika ). Ili kuhitimu jina la "vitisho", vurugu inayoonyeshwa lazima kwa ujumla iwe ya asili isiyopunguzwa au isiyozuiliwa; mfano ni kama video ya mtu kupigwa risasi, damu kutoka jeraha, na kuanguka ghafla kutoka kwa jengo.

Vitishu huamsha hisia kali, ikiwemo msisimko, uchefu na hata pengine hofu, kulingana na mtazamaji mwenyewe na mbinu ya maonyesho. Kiwango fulani cha vurugu imechukuliwa kuwa lazima katika filamu za kivita, hasa kwa watu wazima. Huwasilishwa kwa kiasi na namna iliyojadiliwa kwa makini ili kusisimua hisia za watu lengwa bila kuibua karaha au uchefu. Vitendo kithiri, na vya kutisha (hasa yanayohusu ukeketaji ) aghalabu hutumiwa katika matisho ili kuibua hisia kali zaidi za mshtuko (ambazo huenda watazamaji husika walitarajia).

Mada hii ni yenye utata mkuu, kwa kuwa wengi wanaamini kwamba kufichuliwa kwa vurugu hivi husababisha kupoza hisia zinazopinga utendaji wa udhalimu, na kusababisha udhibiti katika picha zinazoenezwa. Kesi moja mashuhuri ilikuwa kuundwa kwa Bodi ya Ukadiriaji wa Burudani wa Marekani mwaka wa 1994. Mataifa mengi sasa huhitaji viwango tofauti vya uidhinishaji kabla ya kazi kutolewa kwa umma.

Hata hivyo, wapinzani huadai kwamba kutazama vurugu hivi kunaweza kuleta utakaso, na "kuwapa mbinu ya kusafisha hisia zinazokinzana na jamii".

Filamu

Filamu ya Saw hujlikana sana kwa maonyesho yake kina ya vurugu na udamu.

Vitisho hutumiwa mara kwa mara katika matisho, na filamu zinazohusisha uhalifu. Filamu nyingine kama hizi zimepigwa marufuku kutoka nchi fulani kwa maudhui yao makali. Filamu damu hukithiri matisho kwani mateso na mauaji huwa ya kweli.

Mada hii imejadiliwa kutoka zamani, hivi majuzi utafiti uliowasilishwa katika kongamano la kimwaka la Chuo cha Madaktari wa Watoto Marekani ilionyesha kwamba " majabari " katika filamu shujaa kwa wastani walitenda vurugu zaidi kuliko waadui, na hivyo huenda wakatuma ujumbe hasi kwa watazamaji wachanga.