Kidhibitimbali

Kutoka Wikipedia, kamusi elezo huru
Kidhibitimbali

Kidhibitimbali (pia: kiungambali, kitenzambali na rimoti kutoka Kiing. remote control)[1] ni kifaa kinachotumiwa kudhibiti kutoka mbali vifaa vya kielektroniki kama vile televisheni, santuri ya sidii, projekta na kadhalika. Inaweza kuwasha injini inayofungua au kufunga mlango[2]. Katika tasnia hutumiwa kudhibiti vituo na mashine zinazoendeshwa pasipo mfanyakazi.

Kidhibitimbali hutumiwa pia kuendesha mashine au vifaa katika mazingira ya hatari kwa binadamu, kama vile roboti zimamoto au za kusafishia mazingira yenye sumu au mnururisho.

Kitenzambali hutumia mawimbi ya infraredi au mawimbiredio kuwasiliana na vifaa lengwa[3]. Kwa kawaida hutumia betri kama chanzo cha nishati.

Vidhibitimbali hutumiwa kwa kulenga silaha na kurusha vilipukaji katika mabomu.[4]

Kwa hiyo haihitaji waya kuwasilisha amri zake. Hushikwa kwa mkono na mara nyingi huwa na vitufe kadhaa kwa kudhibiti sauti na marudio yanayoweza kuteua kituo cha runinga au redio.

Marejeo[hariri | hariri chanzo]

  1. KKS4 ina rimoti kama lemma kuu na kidhibitimbali na kiungambli kama visawe.
  2. A history of the TV remote control as told through its advertising.
  3. SB-Projects: IR remote control: ITT protocol.
  4. Enders, David (October 2008). "Mahdi Army Bides its Time". The Progressive.
Makala hii kuhusu mambo ya teknolojia bado ni mbegu.
Je, unajua kitu kuhusu mada hiyo kama historia yake au mahusiano yake na mada nyingine?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.