Gintautas Paluckas

Gintautas Paluckas (matamshi ya Kilituanya: [ˈɡʲɪntˠɐʊtˠɐs pˠɐˈlˠʊtskɐs]; amezaliwa Panevėžys, 19 Agosti 1979) ni mwanasiasa wa Lithuania. Mnamo Novemba 2024, alichaguliwa kuwa waziri mkuu wa 18 wa Lituanya, akimrithi Ingrida Šimonytė.

Paluckas alikuwa Naibu Meya wa Vilnius kuanzia 2015 hadi 2019 na kiongozi wa Lithuanian Social Democratic Party (LSDP) kuanzia 2017 hadi 2021. Paluckas aliongoza chama chake katika uchaguzi wa ubunge wa 2020 na kushinda kiti cha Seimas. Mnamo 2024, kama naibu kiongozi wa chama, Paluckas alishiriki katika uchaguzi wa wabunge wa Kilituanya kama mgombea na kushinda kupitia LSDP. Kutokana na matokeo hayo, aliteuliwa kama mgombeaji wa nafasi ya Waziri Mkuu wa Lituanya.

Elimu

Baba yake alifanya kazi kama mhandisi na mama yake kama mwanauchumi. Mnamo 1997 Paluckas alihitimu kutoka Panevėžys J. Balčikonis Gymnasium. Kuanzia 2000 hadi 2001 alisoma kiingereza katika shule ya lugha huko London. Mnamo 2003 alihitimu kutoka Chuo Kikuu cha Vilnius (VU) Kitivo cha Hisabati na Informatics, na mnamo 2004 kutoka Shule ya Biashara ya Kimataifa. Kuanzia mwaka wa 2004, alisoma katika Kitivo cha Sheria cha VU.