Wilaya ya Mkuranga

Mahali pa Mkuranga (kijani) katika mkoa wa Pwani.

Wilaya ya Mkuranga ni wilaya moja ya Mkoa wa Pwani. Katika sensa ya mwaka 2002, idadi ya wakazi wa wilaya hiyo ilihesabiwa kuwa 187,428 [1].

Eneo

Wilaya hii ilianzishwa mwaka 1995 kutokana na maeneo ya wilaya ya Kisarawe. Eneo lake ni 2,432 km² na kuna pwani la Bahari Hindi lenye urefu wa kilomita 90. Vijiji saba viko kando la pwani ni hungubweni, Mpafu, Kerekese, Kisiju Pwani, Mdimni, Magawa na Kifumangao. Vijiji vya Boza, Kuruti, Kwale na Koma viko kwenye visiwa vidogo baharini si mbali na pwani.

Kuna misitu ya mikoko na wanyama walio hatarini ya kuangamizwa bado wana hifadhi hapa.

Wakazi

Wenyeji ni hasa Wazaramo, Wandengereko, Wamatumbi and Wamakonde.

Wakazi wa wilaya hukalia kata 15 zenye vijiji 101. Walio wengi (zaidi ya 90%) hudumisha maisha yao kwa njia ya kilimo hasa kilimo cha muhogo, mpunga na maharagwe. Mazao ya biashara ni korosho, nazi, mananasi na machungwa. Eneo hili ilikuwa kitovu cha kilimo cha korosho Tanzania takriban hektari 35,000 ilitumiwa kwa zao hili lakini tangu miaka ya 70 kilimo kilianza kupungua.

Wakazi wa vijiji vya pwani wanavua samaki.

Watu walio wengi ni maskini na utafiti wa mwaka 2005 ulionyesha kuwa familia ya wastani yenye watu 4.5 ilikuwa na pato la TSh 600,000 kwa mwaka (sawa na dola za Marekani 600) yaani chini ya dola 150 kwa mwaka kwa kila mtu.

Marejeo ya Nje

• Mkuranga Governance Baseline (USAID)

Makala hii kuhusu maeneo ya Mkoa wa Pwani bado ni mbegu. Je unajua kitu kuhusu Wilaya ya Mkuranga kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. Tafadhali usiingize majina ya maafisa au viongozi wa sasa maana wanabadilika mno.