Tanzania Prisons F.C.

Tanzania Prisons F.C.

Prisons FC.jpg
Jina kamili	Tanzania Prisons F.C.
Jina la utani	Wajelajela
Uwanja	Uwanja wa michezo wa Sokoine (Uwezo: 20000)
Mmiliki	Jeshi la Magereza Tanzania Bara
Ligi	Ligi Kuu Tanzania Bara

Tanzania Prisons F.C. ni klabu ya mpira wa miguu ya nchini Tanzania iliyopo mkoani Mbeya na inamilikiwa na Jeshi la Magereza Tanzania Bara.

Michezo yao ya nyumbani inachezwa kwenye uwanja wa michezo wa Sokoine.

Historia

Prisons miaka ya nyuma ilikuwa ikijulikana kama Chuo Ruanda SC chini ya Kocha Katikilo kabla ya mwaka ya 1995 kuitwa Tanzania Prisons SC ikashiriki Ligi Daraja la Kwanza, chini ya Kocha Hassan Mlilo na baadaye ilifundishwa na kocha wa zamani wa Simba, marehemu Paul West Gwivaa mwaka wa 1997.

Mwaka 1999 ikiwa chini ya kocha Charles Boniface Mkwasa na msaidizi wake, Freddy Felix ‘Minziro’ ilibeba ubingwa wa Ligi Kuu Tanzania Bara.

Mwaka 2000 ilishiriki Klabu Bingwa Afrika (sasa Ligi ya Mabingwa Afrika) na kutolewa hatua ya awali. Pia, ilishiriki Kombe la Shirikisho Afrika mwaka wa 2005 na 2006 na katika hatua zote haikufanya vizuri ilitolewa hatua ya awali.

Mwaka 2009 ilishuka daraja na kufanikiwa kupanda mwaka 2011 chini ya Kocha Stephen Matata.

Timu inavaa jezi rangi ya kijani yenye mchanganyiko na nyeupe.

Mafanikio

Klabu hiyo iliweza kutwaa kombe la Ligi kuu ya Tanzania: 1 mwaka 1999.

Makala hii kuhusu mambo ya michezo bado ni mbegu. Je, unajua kitu zaidi kuhusu Tanzania Prisons F.C. kama historia yake, uenezi au kanuni zake? Labda unaona katika Wikipedia ya Kiingereza au lugha nyingine habari zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.