Fungu Kizimkazi
6°53′59″S 39°48′17″E / 6.8996158°S 39.8048396°E
Fungu Kizimkazi (inajulikana pia kwa majina ya Latham Island na Fungu Mbaraka[1]) ni kisiwa kidogo cha Tanzania katika Bahari Hindi ambacho hakina wakazi wala maji matamu. Kipo kilomita 64 upande wa kusini-mashariki kutoka Unguja, na mahali pa karibu kwenye bara ni Kimbiji katika Wilaya ya Kigamboni, Dar es Salaam. Inahesabiwa kuwa sehemu ya funguvisiwa la Zanzibar.
Tabia
[hariri | hariri chanzo]Kipenyo chake ni takriban mita 300. Viumbehai pekee ni ndege wala samaki wanaounda huko viota na kulea vinda wao. Hivyo kisiwa chote kimefunikwa na guano (mavi ya ndege).
Kisiwa kinainuka mita 3 pekee juu ya uwiano wa bahari hakionekani vema, hivyo ni hatari kwa meli[2]. Kulikuwa na majaribio ya kupunguza hatari na kuboresha mwonekano wa kisiwa kwa kujenga alama iliyoinuliwa au kupanda miti iliyoharibiwa tena na ndege.[3]
Majina
[hariri | hariri chanzo]Wavuvi wa sehemu hizi za Bahari Hindi hutumia majina mbalimbali, hasa ""Fungu Mbaraka" na "Fungu Kizimkazi". Jina la Mbaraka linatokana na Mzanzibari Mbaruk au Mbaraka aliyepata kibali cha sultani Sayyid Barghash kukusanya mabaki ya meli zilizokwama huko zikigonga miamba.[4] Hii ni habari ya kwanza kwamba Zanzibar alidai utawala wa Fungu Kizimkazi.
Jina la "Latham" limetokana ya lile la jahazi ya Kampuni ya Kiingereza kwa Uhindi wa Mashariki iliyopita huko mnamo mwaka 1798 na kuacha taarifa ya kimaandishi[5]. Hata hivyo inasemekana pia kuwa Mhindi mwenye jina la "Latham" alikuta kisiwa hicho na kukipa jina lake.[6]
Utawala
[hariri | hariri chanzo]Kisiwa hicho kiliingizwa rasmi katika Usultani wa Zanzibar mnamo mwaka 1898 wakati bendera ya sultani ilipelekwa huko[7].
Lakini katika miaka 1910/1912 kulikuwa na mabishano baina ya mwakilishi Mwingereza huko Zanzibar kwa niaba ya sultani na ofisi ya gavana Mjerumani huko Dar es Salaam kuhusu mamlaka juu ya Latham Island, hasa usimamizi wa uvunaji wa guano ya ndege. Tarehe 11 Aprili kaimu gavana Wilhelm Methner alitembelea kisiwa wakati wa kurudi Dar es Salaam kutoka kusini mwa koloni[8]. Mzozo ulikwisha na tokeo la Vita Kuu ya Kwanza ya Dunia na kuondolewa kwa Ujerumani katika Afrika ya Mashariki. Mwaka 1924 kisiwa kilitajwa kuwa sehemu ya mbali ya usultani wa Zanzibar[9].
Mnamo mwaka 2011 kulikuwa na taarifa ya kutokea kwa mvutano baina ya ofisi za serikali za Zanzibar na Tanzania bara kuhusu mamlaka juu ya kisiwa hicho[10][11]. Kwa mtazamo wa Zanzibar ni sehemu ya Mkoa wa Unguja Kusini. Kwa mtazamo mwingine ni sehemu ya wilaya ya Kigamboni.
Tazama pia
[hariri | hariri chanzo]Marejeo
[hariri | hariri chanzo]- ↑ Latham Island sa Geonames.org (cc-by); post updated 2012-01-17; database download sa 2017-01-30
- ↑ Hydrographic Office, Admiralty (1878), The Africa Pilot: South and east coasts of Africa, from the Cape of Good Hope to Cape Guardafui, including the islands in Mozambique Channel. Part III, ukurasa 302 f online hapa
- ↑ Harold Ingrams (1998) Arabia & The Isles, p. 60, ISBN 13:978-0-7103-0567-1, online hapa kwa archive.org
- ↑ Gwynne & alii (1970)
- ↑ Hydrographic Office, Admiralty (1878), The Africa Pilot
- ↑ M. D. Gwynne, I. S. C. Parker and D. G. Wood: Latham Island: An Ecological Note, The Geographical Journal, Vol. 136, No. 2 (Jun., 1970), pp. 247-251, iliangaliwa kupitia Jstor mwezi wa Aprili 2019
- ↑ Gwynne & alii (1970)
- ↑ Under Three Governors (Unter drei Gouverneuren) The Memoirs of a German Colonial Official in Tanzania 1902-1917 by Wilhelm Methner translated into English with an introduction by John East, 2019, ukurasa 282,
- ↑ Harold Ingrams (1998) Arabia & The Isles, p. 60
- ↑ "Taarifa ya wavuwi kuhusu uvutano baina ya Zanzibar na bara kuhusu sheria za uvuwi". Ilihifadhiwa kwenye nyaraka kutoka chanzo mnamo 2018-12-20. Iliwekwa mnamo 2019-02-06.
- ↑ linganisha pia mchango mrefu kwenye facebook ya mwaka 2016 kuhusu swali la mamlaka juu ya Kisiwa cha Latham
Viungo vya nje
[hariri | hariri chanzo] | Makala hii kuhusu maeneo ya Tanzania bado ni mbegu. Je unajua kitu kuhusu Fungu Kizimkazi kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. Usitaje majina ya madiwani na viongozi au maafisa wengine wa sasa maana wanabadilika haraka mno. |