Anita Rivas

Anita Carolina Rivas Párraga (amezaliwa 4 Mei 1972) ni wakili na mwanasiasa wa Ekuador. Alikuwa meya wa Puerto Francisco de Orellana kuanzia 2005 hadi 2019. Mwaka wa 2009, alitembelea nchi za Uingereza, Luxembourg, na Hispania kuwasilisha pendekezo la kuzuia unyonyaji wa mafuta katika eneo lake ikiwa fidia ingepatikana na mazingira ya Hifadhi ya Kitaifa ya Yasuni yangelindwa. Hatimaye, msaada uliopatikana ulikuwa chini ya asilimia 0.5 ya pesa zilizoombwa. Mapato ya mafuta yaliyopatikana yalitumika katika vitu kama vile usambazaji wa vyoo na maji ya kunywa

Picha ya Anita Rivas

Maisha

Rivas alizaliwa huko Bandari ya Francisco de Orellana mnamo 1972, miaka mitatu baada ya wazazi wake, Dioselinda Párraga na Enrique Rivas, kuhama kutoka Manabí. Alianza Elimu yake ya sekondari akiwa mji mkuu Quito katika Shule ya Colegio Padre Miguel Gamboa (Coca) na shule ya Colegio Los Pinos. Alienda kupata shahada yake ya sheria na Sayansi ya Jamii na Sera za Kiuchumi katika Chuo Kikuu cha Kiufundi cha Loja..

Mnamo 1991 alijiunga na utawala wa jiji lake akifanya kazi katika kituo cha polisi, akiongoza maktaba na kuelekeza rasilimali watu. Mnamo 2000 alichaguliwa kuwa diwani na alihudumia kwa miaka minne na wawili kati yao kama Naibu Meya.

picha inaonyesha hifadhi ya yasuna

Mwaka wa 2005 alichaguliwa kuwa Meya wa Francisco de Orellana na mwaka wa 2007 yeye na gavana huyo walituhumiwa kusababisha ghasia. Guadalupe Llori alikamatwa na wote wawili walilaumiwa lakini Rivas alisema walikuwa wakijaribu tu kupatanisha hali ya Dayuma ambayo alimlaumu Rais Rafael Correa kusababisha. Mnamo 2008 alitembelea Uingereza kwa siku tano na kupendekeza kusitisha uzalishaji wa mafuta ili kupunguza madhara kwenye mabadiliko ya hali ya hewa. Baada ya mikutano alisafiri kwa ndege hadi Luxembourg na kwenda Uhispania. Alipendekeza kwamba msitu wa mvua wa Yasuni ungeweza kuhifadhiwa ikiwa fedha zingepatikana kuwafidia watu kwa hasara ya mapato ya mafuta. Rivas aliwasihi watumiaji wa Magharibi kwamba matumizi yao ya mafuta yalikuwa yakiharibu ardhi yake. Alisema uzalishaji wa mafuta "umeleta ukataji miti, uhamishwaji wa watu katika maeneo mbali mbali, uchafuzi wa mazingira na magonjwa katika jimbo hilo, ambalo pamoja na hii eneo lake ni la pili kwa umaskini nchini". Mnamo 2012 alikuwa akifanya kazi na shirika la Grupo FARO alipojaribu kujadiliana kuhusu uanzishaji wa viwanda katika eneo lake. Pendekezo hilo lilitupiliwa mbali mwaka wa 2013 baada ya rais kugundua kwamba, licha ya kuungwa mkono na mataifa, kiasi kilichofika kilikuwa chini ya asilimia 0.5 ya fedha zinazohitajika kupunguza mapato yaliyopotea zilifika Ecuador.

Rivas alichaguliwa tena mwaka wa 2009 baada ya kubadilisha chama chake cha kisiasa mwaka wa 2014. Mnamo 2014 aligombea kwenye Muungano wa PAIS na alichaguliwa tena kwa muhula wa tatu, baada ya kuahidi kutumia mapato ya mafuta kwenye vyoo na maji ya kunywa.

Rivas amekuwa akisaidia kupanga usaidizi kwa watu wa kiasili ambao wanapata ruzuku ya ardhi ambayo itawawezesha kuhifadhi njia yao ya maisha. Alijiuzulu mwaka wa 2019, na Antonio Cabrera akawa meya mpya.

Marejeo

Makala hii kuhusu mtu huyo bado ni mbegu. Je, unajua kitu kuhusu Anita Rivas kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.