Kiwalani

Kutoka Wikipedia, kamusi elezo huru
Rukia: urambazaji, tafuta
Kata ya Kiwalani
Kata ya Kiwalani is located in
Kata ya Kiwalani
Kata ya Kiwalani
Mahali pa Kiwalani katika Tanzania
Anwani ya kijiografia: 6°49′26″S 39°14′56″E / 6.82389°S 39.24889°E / -6.82389; 39.24889
Nchi Tanzania
Mkoa Dar es Salaam
Wilaya Ilala
Idadi ya wakazi
 - 61,960

Kiwalani ni kitongoji kimojawapo kati ya Vitongoji muhimu vinavyounda jimbo la Ukonga wilayani Ilala katika Mkoa wa Dar es Salaam nchini Tanzania. Iko ndani ya jiji la Dar es Salaam. Kwa mujibu wa sensa iliyofanyika mwaka 2002, kitongoji kina idadi ya wakazi wapatao 61,960.[1]

Kitongoji hiki kiligunduliwa miaka ya 1970 baada ya watu kuhamishwa na serikali kutoka katika viwanja vyao sehemu mbalimbali ya jiji la Dar es Salaam na kuhamishiwa Kiwalani.

Ni kitongoji kilichopakana na uwanja wa ndege wa kimataifa wa Mwalimu Julius Nyerere. Kwa upande wa mashariki imepakana na barabara ya Nyerere, upande wa kusini imepakana na kituo cha reli ya TAZARA.

Mgawanyiko wa Kiwalani[hariri | hariri chanzo]

Kiwalani inamgawanyo mkubwa sana, Pia inamajina tofauti mengi tu.

  1. Kiwalani Kariagogo
  2. Kiwalani Minazi Mirefu
  3. Kiwalani Bombom
  4. Kiwalani Kigilagila
  5. Kiwalani Yombo
  6. Kiwalani Deimasoko

Kwa upande wa Bombom, kidogo eneo lake limekaa vyema kwa kutokuwa na madimbwi mengi ya maji kama jinsi ilivyo upande wa Kiwala Kigilagila. Kigilagila ni maji mengi mno - hasa kipindi cha masika kuna kuwa na hali mbaya kupitia kiasi. Wakazi wengi wanaokalia maeneo ya shule ya msingi ya Kiwalani huwa tabuni kwa kipndi cha masika. Madimbwi, mitaro mibovu, mashimo yasiyo na mpangilio na upangiliaji usiofaa wa makazi ya watu. Kiwalani Minazi Mirefu kupo sawa na na Kijiwe Samli kwa sababu kumeinuka hivyo maji hayakai sana kama jinsi ilivyo kwa upande wa Kigilagila.

Deimasoko napo kuna-fanana kabisa na mfumo mpangilio mbovu wa makazi. Yaani, kupo hovyohovyo - kiasi kwamba nyumba zimebanana hadi kero. Madimbwi ya maji ni mengi mno kupita kiasi. Eneo hili malaria huwa juu sana kutokana na madimbwi yaliyopo huko. Kinachosabisha eneo la Kigiglagila kuwe na maji mengi, ni kwa sababu eneo la kule lilikuwa eneo la mashamba ya mpunga. Kwa namna moja au nyingine, Kiwalani yote lilikuwa eneo la mashamba ya mpunga. Ndiyo maana kila eneo lake limetapakaa majimaji.

Marejeo[hariri | hariri chanzo]

  1. 2002 Population and Housing Census General Report (en). Government of Tanzania. Iliwekwa mnamo 2008-08-21.