Nge-mjeledi mkia-mfupi

Kutoka Wikipedia, kamusi elezo huru
(Elekezwa kutoka Schizomida)
Jump to navigation Jump to search
Nge-mjeledi mkia-mfupi
Aina ya nge-mjeledi mkia-mfupi (Hubbardia pentapeltis)
Aina ya nge-mjeledi mkia-mfupi (Hubbardia pentapeltis)
Uainishaji wa kisayansi
Himaya: Animalia
Faila: Arthropoda
Nusufaila: Chelicerata
Ngeli: Arachnida
Oda: Schizomida
Petrunkevitch, 1945
Ngazi za chini

Familia 3; spishi 27 katika Afrika:

Nge-mjeledi mkia-mfupi (kutoka Kiing. short-tailed whip scorpion) ni arithropodi wa oda Schizomida katika ngeli Arachnida wanaofanana na nge-mjeledi wadogo. Wengi sana wana urefu wa chini ya mm 5. Kama arakinida wengine kiwiliwili chao kina sehemu mbili: kefalotoraksi (cephalothorax) na fumbatio. Sehemu hizi zimeungwa kwa pediseli (pedicel) nyembamba kwa umbo wa mrija kama kwa buibui. Mwisho wa fumbatio una mkia mwembamba mfupi. Kefalotoraksi imefunika juu kwa magamba.

Wadudu hawa wana miguu minane kama arakinida wote, lakini jozi ya kwanza ni mirefu kuliko mingine na hutumika kama vipapasio. Jozi ya mwisho zimetoholewa kwa kuruka ili kuchopokea adui. Pedipalpi zao zina gando. Hawana macho lakini spishi kadhaa zina sehemu za kuhisi nuru.

Takriban spishi zote zinatokea kanda za tropiki. Zinaishi katika tabaka la juu la udongo au chini ya magogo na mawe ili kuzuia kukauka. Spishi kadhaa zinaishi katika mapango na nyingine katika vichuguu. Hula arithropodi wadogo.

Spishi za Afrika[hariri | hariri chanzo]

  • Afrozomus machadoi
  • Anepsiozomus sobrinus
  • Apozomus gerlachi
  • Artacarus liberiensis
  • Bamazomus aviculus
  • Bamazomus madagassus
  • Bamazomus milloti
  • Bamazomus vadoni
  • Enigmazomus benoiti
  • Mahezomus apicoporus
  • Megaschizomus mossambicus
  • Megaschizomus zuluanus
  • Ovozomus lunatus
  • Schizomus africanus
  • Schizomus brevicaudus
  • Schizomus ghesquierei
  • Schizomus hanseni
  • Schizomus mediocriter
  • Schizomus montanus
  • Schizomus nidicola
  • Schizomus parvus
  • Schizomus pauliani
  • Schizomus schoutedeni
  • Schizomus tenuipes
  • Schizomus vinsoni
  • Schizomus virescens
  • Secozomus latipes

Picha[hariri | hariri chanzo]