Popo-wadudu
Popo-wadudu | ||||||||||||
---|---|---|---|---|---|---|---|---|---|---|---|---|
![]() Popo pua-njumufarasi mdogo
(Rhinolophus hipposideros) | ||||||||||||
Uainishaji wa kisayansi | ||||||||||||
| ||||||||||||
Ngazi za chini | ||||||||||||
Familia 7 za juu: |
Popo-wadudu ni aina za popo wanaowinda wadudu hasa. Kibiolojia ni mamalia wa nusuoda Microchiroptera katika oda Chiroptera wanaofanana na panya mwenye mabawa. Kwa kawaida spishi hizi ni ndogo kuliko zile za nusuoda Megachiroptera (popo-matunda) lakini kuna spishi zilizo kubwa kulika spishi fulani za popo-matunda. Spishi ndogo kabisa ni popo pua-nguruwe aliye na urefu wa mm 29-33 na uzito wa g 2. Kwa hivyo popo huyu ni spishi ndogo kabisa ya mamalia pia. Kirukanjia wa Etruski anaweza kuwa na uzito mdogo zaidi (g 1.2-2.7) lakini ni mrefu zaidi (mm 36-53). Popo-wadudu hula wadudu hasa lakini spishi nyingine hula samaki, ndege na wanyama wadogo na hata damu. Hutumia miwangwi ya sauti yao ili kuyakamata mawindo yao. Spishi kadhaa hula matunda na mbochi na hizi hazitumii miwangwi.
Uainisho (Simmons & Geisler, 1998[1])[hariri | hariri chanzo]
Oda: Chiroptera
- Nusuoda: Microchiroptera
- Familia ya juu: Emballonuroidea
- Familia Emballonuridae (Popo mkia-uo)
- Familia ya juu Rhinopomatoidea
- Familia Rhinopomatidae (Popo mkia-kipanya)
- Familia Craseonycteridae (Popo pua-nguruwe)
- Familia ya juu Rhinolophoidea
- Familia Rhinolophidae (Popo pua-njumufarasi)
- Familia Nycteridae (Popo uso-kibonde)
- Familia Megadermatidae (Popo wafyonza-damu rongo)
- Familia ya juu Vespertilionoidea
- Familia Vespertilionidae (Popo-jioni)
- Familia ya juu Molossoidea
- Familia Molossidae (Popo mkia-huru)
- Familia Antrozoidae (Popo weupe) – sikuhizi inaainishwa kama kabila la Vespertilionidae
- Familia ya juu Nataloidea
- Familia Natalidae (Popo masikia-mpare)
- Familia Myzopodidae (Popo miguu-minaso)
- Familia Thyropteridae (Popo mabawa-minaso)
- Familia Furipteridae (Popo bila gumba)
- Familia ya juu Noctilionoidea
- Familia Noctilionidae (Popo wavuvi)
- Familia Mystacinidae (Popo mkia-mfupi wa Nyuzilande)
- Familia Mormoopidae (Popo uso-pepo)
- Familia Phyllostomidae (Popo pua-jani)
- Familia ya juu: Emballonuroidea
Picha[hariri | hariri chanzo]
Marejeo[hariri | hariri chanzo]
- ↑ Simmons, N. B. and Geisler, J. H. (1998) Phylogenetic relationships of Icaronycteris, Archaeonycteris, Hassianycteris and Palaeochiropteryx to extant bat lineages, with comments on the evolution of echolocation and foraging strategies in Microchiroptera. Bulletin of the American Museum of Natural History, 235:1-182.